Resei äzılkeşterı Azamat Mūsaǧaliev pen Denis Dorohov Donesk oblysyndaǧy (DHR) Saur-Mogila memorialdyq keşenınde Donbassty azat etudıŋ 80 jyldyǧyna arnalǧan konsertke qatysty. Būl turaly NEXTA Live telegram arnasy jariialady, dep habarlaidy “Adyrna” ūlttyq portaly.
Jelıde «Kamyziaki» KVN komandasynyŋ müşelerı konsertten keiın jergılıktı tūrǧyndarǧa amandyq tılep, söz söilegen videosy paida boldy.
Keiın äzılkeşterdıŋ jazyluşylary olardyŋ DHR aumaǧyna saparyn ärtürlı qabyldady. Azamat Mūsaǧaliev pıkırlerdı jauyp tastaǧandyqtan, jazyluşylar Denis Dorohovtyŋ jazbasynyŋ astyna osy saparǧa qatysty öz pıkırlerın qaldyrady. Qazırdıŋ özınde myŋnan astam pıkır bar.
Bıreuler ärtısterdı qoldaidy, endı bıreuler olardy «satyluşylar» dep ataidy.
Qazaqstandyq köptegen jazyluşylar Kamyziakov komandasy qazan aiynyŋ basynda josparlaǧan Astana men Almatydaǧy konsertterdıŋ toqtatyluyn talap etude.
«Qazaqstanǧa kelmeŋder», «Qazaqstanda sızge jäne Azamatqa jol jabyq!!!», «Alǧa Qazaqstan! !! Öz basym senıŋ elıme keluıŋe qarsy bolamyn!», «Azamattan kütken joqpyz», degen pıkırler köp.
Sondai-aq, belgılı telejürgızuşı Almas Altai Facebook paraqşasyna Donbassqa baryp, reseidıŋ basqynşylyq soǧysyn ädıl maidan retınde därıptep jürgen äzılkeşterdıŋ konsertı ötpeuın talap ettı.
"İä, qanym qazaq. Alaida, men Reseide tudym, menıŋ Otanym - Resei. Menı "etnikalyq qazaq" dep qazaqqa tartudyŋ eş maǧynasy joq, men oryspyn.
Qazaqstanda janküierlerımız köp, men būǧan quanam. Alaida, Qazaqstanǧa degen sezımım sol Belorusqa degen sezımnen artyq emes..." deptı Azamat Musagaliev degen saiqymazaq "qazaq".
Jetınşı qazan künı osy jıgıtter Astanada konsert bermek körınedı. Biletter 22 000 - 45 000₸ aralyǧynda. Donbassqa baryp, reseidıŋ basqynşylyq soǧysyn ädıl maidan retınde därıptep jürgen būndailarǧa Astana sahnasynda oryn bolmauy kerek! Jeŋıs Qasymbek, bar bolsaŋyz, dereu toqtatyŋyz!”, dep jazdy ol.
