Prezıdenttikke kandıdat Saltanat Tursynbekova saılaýaldy úgit-nasıhat naýqanyn Mańǵystaý oblysynda jalǵastyrýda, dep habarlaıdy «Adyrna» tilshisi «Habar 24»-ke silteme jasap.
Búgin ol Aqtaýǵa at basyn buryp, Ana úıine bardy. Kandıdat ortalyqta kómek alyp jatqan áıeldermen kezdesip, saılaýaldy baǵdarlamasyn túsindirdi. Analardyń suraqtaryna jaýap berip, qordalanǵan máselelerin talqylady. Aqtaýdaǵy bul ortalyq 2015 jyldan beri jumys istep keledi. 7 jyldyń ishinde Ana úıinen 100-den astam áıel men 300-ge jýyq bala kómek alǵan.
«Jyl ótken saıyn alımentke qaryzdar kóbeıip barady. Elimiz boıynsha sot oryndaýshylarynda júzdegen myń ister bar, qaryzdar mıllıardtaǵan teńgeni quraıdy. Ótken jyly 150-den astam adam bas bostandyǵynan aıyryldy. Sonymen qatar, alıment tólemeıtin adamǵa qatysty qylmystyq is qozǵalǵan kezde, ol azdaǵan somany, aıtalyq, bes myń teńgeni tólep, jaýapkershilikten jaltaryp qalýy jıi kezdesedi»,—dedi QR Prezıdenttigine kandıdat.
