QR Prezıdenttigine Kandıdat saılaýshylarmen kezdesý úshin Jańaózen qalasyna bardy.
Ol úgit-nasıhat jumystaryn júrgizý úshin arnaıy Jańaózen «Bilim-Innovaııa» lıeı-ınternatyna taban tiredi. Óziniń saıası baǵdarlamasyn tanystyrdy. Sondaı-aq sóz barysynda pedagogtardyń aldynda turǵan mindetterdi atap ótti.
«Álemniń kez kelgen elinde muǵalim – mártebesi bıik mamandyq. Óıtkeni ol balalarǵa, ıaǵnı bolashaqqa bilim beretin adam. Men ózim muǵalim, professormyn. Sondyqtan bul jumystyń qanshalyqty qıyn da qyzyqty bolatynyn bilemin», – dedi M.Qajyken.
Muǵalimder úmitkermen bilim berýdegi jalaqyny kótermeı júktemeni ulǵaıtý, sybaılas jemqorlyq, turǵyn úı alý sııaqty ózekti máselelerdi talqylady.
Meıram Qajyken óz baǵdarlamasynyń áleýmettik bóliminde muqtaj jas mamandarǵa, turǵyn úı satyp alýǵa qarajaty jetkiliksiz otbasylarǵa jáne halyqtyń basqa da toptaryna turǵyn úı berý jospary jazylǵanyn aıtty.
«Meniń ustanymym mynada: Jergilikti organdar kóppáterli úı salý úshin merdiger kompanııaǵa jer ýchaskesin beredi. Sondyqtan qurylys salýshy turǵyn úıdiń 15%-na deıin memleketke bólýi kerek. Iaǵnı, ákimdikter turǵyn-úıden páterler alady. Ony kezekte turǵandarǵa beredi», – dedi ol.
