Búgin Prezıdenttikke úmitkerler arasynda tikeleı efırde teledebat bolady

2303
Adyrna.kz Telegram

2022 jylǵy 11 qarashada saǵat 20:00-de «Habar» telearnasynyń tikeleı efırinde Qazaqstan Respýblıkasy Ortalyq saılaý komıssııasynyń uıymdastyrýymen Qazaqstan Respýblıkasy Prezıdenttigine kandıdattardyń jáne olardyń senimdi ókilderiniń qatysýymen televızııalyq debat ótedi.

Reglamentke sáıkes, teledebat tórt raýndtan turady.

Birinshi raýnd – «Saılaýaldy baǵdarlamanyń tanystyrylymy». Onda qatysýshylar saılaýaldy baǵdarlamasynyń negizgi baǵyt-baǵdaryn tanystyrady.

Ekinshi raýndta «Pikirsaıys sessııasy» ótedi. Onda ár qatysýshy ózi tańdaǵan eki opponentine bir-bir suraqtan qoıady.

Úshinshi raýnd - «Saılaýshylardyń suraqtary». 2022 jyldyń 10 qarashasyna deıin «Habar» Agenttiginde «ÚMITKERGE SURAQ QOI!» aıdarymen saılaýshylardan vıdeosuraqtar qabyldandy.

Iaǵnı, azamattarǵa kez kelgen kandıdatqa óz suraqtaryn qoıýǵa múmkindik berildi. Olar uzaqtyǵy 1 mınýttan aspaıtyn suraq jazyp, ony debaty-2022@khabar.kz elektrondyq poshtasyna jiberdi. Saılaýshylardan kelgen suraqtar ishinen árbir kandıdatqa kezdeısoq bir suraqtan qoıylady. Efırde qoıylmaǵan vıdeosuraqtar kandıdattardyń shtabtaryna jaýap berý úshin jiberiledi.

Tórtinshi raýnd «Saılaýshylarǵa úndeý» dep atalady. Onda qatysýshylar saılaýshylarǵa arnalǵan óz úndeýlerin jasaıdy.

Pikirler