Memleket basshysy Qasym-Jomart Toqaev Úkimettiń keńeıtilgen otyrysynda elimizdiń joldary nashar ekenin jáne jol qurylysy salasyn jemqorlyq jaılaǵanyn málimdep, avtojol ınfraqurylymy salasyndaǵy túıtkilderge erekshe toqtalǵan edi, dep jazdy «Adyrna» tilshisi.
Joldar qyryq jamaý degen Prezıdent qara joldyń sapasy men kem-ketigine bas mán berý kerektigin alǵa tartty.
Qasym-Jomart Kemeluly únemi nazarynan tys qaldyrmaıtyn avtojol ınfraqurylymyn jaqsartý isi Almaty qalasynda jolǵa qoıylǵan. Máselen, jyl basynan bastap jalpy aýdany 28 myń kv. metr bolatyn 124 jol ýchaskesine aǵymdaǵy (shuńqyr) jóndeý júrgizildi, uzyndyǵy 26,3 km 21 kóshe ortasha jóndeýden ótti.
"Sizderdiń ótinishterińizdiń negizinde Kókjıek shaǵynaýdanynda trotýarlar men aryqtarmen birge joldarǵa jóndeý júrgizildi. Qarasha aıynyń sońyna deıin 2-Goncharnaıa kóshesinde ortasha jóndeý aıaqtalady", - dedi ákim.
Qala ákimi jol qaýipsizdigin qamtamasyz etý maqsatynda 29 mekenjaıda uzyndyǵy 16,3 km jańa trotýar salynǵanyn aıtyp ótti. Sondaı-aq adamdar júretin ótkelderde 3 baǵdarsham ornatyldy.
"Turǵyndardyń ótinish-tilekterin eskere otyryp, Jetisý bazarynan Adem saýda úıine deıin uzyndyǵy 28 km quraıtyn №138 jańa marshrýt uıymdastyryldy. №46 marshrýt 1 km-ge uzartyldy (Kemel shaǵynaýdanynda Esimhan kóshesinen Arlan kóshesine deıin) avtobýstar sany 10-nan 12-ge kóbeıdi", - dedi megapolıs basshysy.
Sonymen qatar 8 marshrýttyń (№40, 41, 70, 135, 52, 56, 69, 80) jyljymaly quramy tolyq jańartyldy.
Qyrkúıek jáne qazan aılarynda Jetisý aýdanynda 30 jańa aıaldama kesheni ornatyldy.
