Şahmattan älem chempiony Magnus Karlsen Almatyǧa keldı. Būl turaly Qazaqstannyŋ şahmat federasiiasy mälımdedı, dep habarlaidy “Adyrna” ūlttyq portaly.
Äuejaida ony jas janküier – şahmatşy Dilaila Säduaqasova kütıp alǧan. Dilaila blis boiynşa Qazaqstan Respublikasynyŋ chempiony, 2019 jylǧy Karpova kubogynyŋ iegerı, Halyqaralyq şahmat federasiiasynyŋ FIDE syilyǧynyŋ iegerı. Mūnymen qosa ol älem chempiondary turaly äŋgımeleitın "Dilailamen şahmat hikaialary" atty bıregei mädeni-aǧartuşylyq jobasyn jasaǧany üşın marapattalǧan. Qonaqty qarsy aluǧa kelgen äielder arasynda Dilaila jalǧyz bala. Aita ketsek, FIDE 2022 jyldy şahmattaǧy äielder jyly dep jariialaǧan bolatyn.
"Men Magnus Karlsennıŋ mansabyna qairan qalamyn jäne onyŋ chempion retınde qalyptasuyna äkesı ülken röl atqardy dep oilaimyn. Menı de otbasym ünemı qoldaidy, olardyŋ qoldauynsyz jetıstıkke jetpes edım. Men Magnustan ǧana emes, onyŋ äkesınen de qoltaŋba aldym", - deidı toǧyz jasar Dilaila.Aita keteiık, şahmattan älem chempionaty Almatyda 2022 jyldyŋ 25-30 jeltoqsanynda ötedı. Älemnıŋ 50 elınıŋ jetekşı şahmatşylary tituldar üşın talasady. Turnirdı ūiymdastyruşylar – FIDE men Qazaqstan şahmat federasiiasy. Turnir Baluan Şolaq atyndaǧy sport jäne mädeniet saraiynda ötedı. Chempionat Almaty qalasy äkımdıgınıŋ jäne Qazaqstan Respublikasy Mädeniet jäne sport ministrlıgınıŋ qoldauymen ötkızılmek. Jülde qory – 1 million dollar.
Ūqsas jaŋalyqtar
