31 qazanda QR Prezıdenttigine kandıdat Saltanat Tursynbekova eldiń ońtústigine saparlady. Kandıdat Shymkent qalasynda tigin fabrıkasynyń jumysshylarymen kezdesti. Quqyq qorǵaýshyny tyńdaýǵa 250-den astam qyzmetker jınaldy.
Úmitker bir mezgilde aqsha taýyp, bala ósirip, salt-dástúrdi saqtap, iri kásiporynnyń júgin kóterip júrgen áıelderdi maqtan tutatynyn atap ótti.
«Gaýhar» – ońtústiktegi jeńil ónerkásiptiń flagmany. Munda jumys kıimi, mektep formasy men toqyma buıymdary ádemi, tıimdi jáne yńǵaıly tigiledi. «Qazaqstanda jasalǵan» dep maqtanyshpen aıta alatyn ónimniń qalaı jasalyp jatqanyn kórý qýantady. Osyndaı iri ári tanymal kásiporyndy áıel adam basqaryp otyrǵany, tipti úlken qýanysh. Kópshilik áıeldiń tabysty kóshbasshy bola alatynyna senbeıdi. Biraq men senemin jáne bilemin: áıeldiń qolynan bári keledi: zaýytty da, úlken ujymdardy da, tipti búkil eldi de basqara alady. Áıel-ana bir qolymen bala terbetse, bir qolymen álemdi terbetedi», - dep atap ótti ol.
Sondaı-aq, fabrıka basshysy kásiporynnyń salyqtyń kóptigi, bilikti kadrlardyń tapshylyǵy, turaqsyz sala jáne arnaıy oqý oryndarynyń jetispeýshiligi sııaqty máselelerge toqtaldy.
Keıin ashyq áńgime aıtyla bastaǵanda tiginshiler óz usynystary men saýaldaryn ortaǵa saldy. Áıelder qazaqstandyqtardyń tabys teńsizdigine qalaı alańdaıtyny týraly aıtty.
Saltanat Tursynbekova jumys isteıtin áıelderdiń ómirin jaqsy jaqqa ózgertkisi keletinin jetkizdi.
Baıandamashy óziniń saılaýaldy baǵdarlamasynan úzindilermen bólisti, onda áıelderdiń zeınet jasyn 58 jasqa deıin qysqartýdy, sondaı-aq 1-2 toptaǵy múgedekter men múgedek balalarǵa kútim jasaýdy, eń tómengi jalaqy men ómir súrý deńgeıin arttyrýdy usynyp otyr(zeınetaqy jınaqtary, járdemaqylar men shákirtaqylar). Kóp balaly jáne qıyn ómirlik jaǵdaıdaǵy otbasylardyń qaryzdaryn esepten shyǵarý, tolyq emes otbasylardyń mártebesin zańnamalyq turǵydan bekitý, jas otbasylarǵa ıpoteka alý kezindegi járdemaqylar men sýbsıdııalardy engizý jáne t.b. usynystaryn aıtty.
Sondaı-aq ol óziniń eń aýqymdy – «Turmystyq zorlyq-zombylyqsyz Qazaqstan» jobasyn ońtústiktiń ortalyǵy – Shymkentte bastaǵanyn atap ótti. Onyń kúsh-jigeriniń arqasynda qalada birinshi memlekettik daǵdarys ortalyǵy, sondaı-aq oblystyń 17 aýylynda otbasyn qoldaý qyzmeti ashyldy.
Úmitker otbasyndaǵy zorlyq-zombylyq tolyǵymen joıylmaıynsha - otbasyndaǵy uryp-soǵý sııaqty janjaldar uıat nársege aınalǵanǵa deıin onymen kúresýdi jalǵastyrýǵa ýáde berdi.
Keıin quqyq qorǵaýshy Shymkent qalalyq advokattar alqasymen kezdesý ótkizdi. Aıta ketý kerek, Saltanat Tursynbekova quqyq qorǵaý qyzmeti aıasynda ózin-ózi qorǵaý baptary boıynsha bas bostandyǵynan aıyrylǵan áıelderdiń quqyqtaryn qorǵaýǵa kóp kúsh jumsady.
Eske salaıyq, 26 qazanda úmitker saılaý naýqany aıasynda aımaqtardy aralaı bastady. Ol Qaraǵandy oblysyna birinshi bolyp baryp, quqyq qorǵaýshylarmen, zańgerlermen, magıstranttarmen, sarapshylarmen, quqyq qorǵaý jáne sot júıesin reformalaýǵa, múmkindigi shekteýli jandardyń quqyqtaryn qorǵaýǵa atsalysqan túrli úkimettik emes uıymdardyń ókilderimen, sottalǵandarmen kezdesti. Keıinirek ol turmystyq zorlyq-zombylyq qurbandaryna kómektesetin daǵdarys ortalyǵyndaǵy áıeldermen sóılesýge de bardy.
27 qazanda quqyq qorǵaýshy Aqmola oblysynda bolyp, dárigerler men medıına qyzmetkerleriniń máselelerin tyńdady, sonymen qatar jergilikti daǵdarys ortalyǵynda boldy.
