Meıram Qajykenniń Ulytaý oblysyndaǵy shtab qyzmetkerleri úgit-nasıhat naýqanynyń sońyna deıin óńirdegi barlyq jumys ujymdarymen kezdesýdi josparlap otyr

2123
Adyrna.kz Telegram

QR Prezıdenttigine kandıdat Meıram Qajykenniń Ulytaý oblysyndaǵy shtab qyzmetkerleri úgit-nasıhat naýqanynyń sońyna deıin óńirdegi barlyq jumys ujymdarymen kezdesýdi josparlap otyr. Qazirgi tańda bul baǵyttaǵy jumystar qarqyndy júrgizilýde. Shtab qyzmetkerleri men eriktiler kandıdattyń úgit paraqshalaryn taratyp, saılaýaldy tuǵyrnamany túsindirý sharalaryn jalǵastyrýda. Tıisinshe  shtab basshylyǵy da kún saıyn  kásiporyndar men qosa basqa da uıymdardyń kásipodaqtarymen kezdesýler ótkizip jatyr.

Búgingi tańda shtabta 10-ǵa jýyq adam jumys isteıdi. Oblystyń barlyq qalalaryndaǵy ortalyq kóshelerde bılbordtar men plakattar ilingen.

"Qazir biz úgit-nasıhat jumystaryn júrgizip jatyrmyz. Bizde úlken ónerkásiptik kásiporyndar shoǵyrlanǵandyqtan, biz negizinen sol kompanııa jumysshylarymen kezdesýler ótkizemiz. Bizdiń mindetimiz – úgit-nasıhat ýaqytynyń sońyna deıin barlyq ujymdarǵa barý"- dep atap ótti, oblystyq shtab basshysy Berik Jaǵyparov.

Búgingi tańda Respýblıka boıynsha 14 oblysta M.Qajykenniń saılaýaldy shtaby ashylǵan. Basqa óńirlerde kandıdattyń senimdi ókilderi jumys isteıdi. Aıta keteıik el boıynsha barlyǵy 130-dan astam azamat senimdi ókil ekenin rastaıtyn kýálikterin alǵan.

Pikirler