Prezıdenttikke kandıdat Qasym-Jomart Toqaevtyń Respýblıkalyq qoǵamdyq shtabynyń saılaýshylarmen kezdesýi Ulytaý oblysynda jalǵasty.
Jezqazǵan qalalyq Halyqtar dostyǵy men mádenıeti úıinde óńir jurtshylyǵymen kezdesý ótip, oǵan 500-ge jýyq adam qatysty.
Ulytaýlyqtarmen áńgimelesý kezinde RQSh músheleri kandıdattyń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasynda kórsetilgen óńirlerdi damytý máselelerine erekshe nazar aýdardy.
Respýblıkalyq qoǵamdyq shtabtyń basshysy Erlan Qoshanov Ulytaý topyraǵy ult birligin beıneleıtin qasıetti meken ekenin atap ótti.
«Ultymyzdy uıystyrǵan Ulytaý jeri – eldiktiń, birliktiń bastaýy. Biz aldymyzdaǵy saılaýda sony taǵy bir márte dáleldeýge tıispiz. Bizdiń bir týdyń astyna jınalyp, koalıııa qurýymyz da osynyń aıǵaǵy. Birligimiz kez-kelgen synaqty eńseredi. Aldaǵy saılaýda da óz birligimizdi kórsetýimiz kerek», – dedi Erlan Qoshanov.
Budan keıin, Respýblıkalyq qoǵamdyq shtabtyń músheleri «ULYTAU NAN» JShS nan zaýytynda bolyp, kásiporyn qyzmetkerlerine kandıdattyń bıznesti damytý jáne kásipodaqtardy qoldaý jónindegi saılaýaldy bastamalaryn túsindirdi.
Óńirdegi jetekshi kásiporyndardyń biri «Kazakhmys Smelting» JShS mys balqytý zaýyty sanalady. RQSh músheleri metallýrgtermen Qasym-Jomart Toqaevtyń saılaýaldy baǵdarlamasynda kórsetilgen óndiristegi eńbek quqyqtaryn qorǵaý jáne óńdeýshi ónerkásip kásiporyndaryn jańǵyrtý máselelerin talqylady.
