"Ana tilimizdi syılaý eń basty aspekt. Evropanyń qaı eline barmasańyz da sol eldiń tilinde sóıleý mańyzdy. Bul eshqandaı "ásire ultshyldyq", basqany naqaq kemsitý emes". Bul pikirdi QR Parlamenti Májilisiniń depýtaty Erlan Saırov óziniń feısbýk paraqshasynda qaldyrdy, dep jazady "Adyrna" ulttyq portaly.
"Qazaq tili jóninde. Keshe, jelide syrttan kelgen qonaq taǵy da qazaq tili jónindegi máseleni qozdyryp qoıdy. Basqa elge kelip, "qonaq" bolýdyń qalyptasqan erejeleri bar. Evropada, Franııa, Germanııa, Polsha basqa da elderge baryp, turaqtaǵyńyz kelse, eń birinshi sol eldiń tilin bilýge mindettisiz. Bul "órkenıetti" dep atalatyn elder úshin qalypty jaǵdaı. AQSh-qa barsańyz aǵylshyn tilin bilý aksıoma. Qazaqstanǵa da kóptegen azamattar kelip jatyr. Qazaqstan memleketi gýmanızm turǵysynan bul azamattardy qabyldady. Ol azamattar da bizdiń elde eshqandaı fobııanyń joqtyǵyna kózi jetti. Degenmen, Qazaqstanǵa kelgende bizdiń dástúrdi syılap, jergilikti halyqtyń basymdyqtaryna nazar aýdaryp, urymtal jerge "súıkenbegen" abzal", - dep jazdy depýtat.
Saırovtyń aıtýynsha, Qazaqstanǵa kelgennen keıin, qazaq tiline zeıin bólý adamgershilik turǵysynan durys bolady.
"Ana tilimizdi syılaý eń basty aspekt. Óıtkeni, dúnıejúzinde solaı, Evropanyń qaı eline barmasańyz da sol eldiń tilinde sóıleý mańyzdy. Bul eshqandaı "ásire ultshyldyq", basqany naqaq kemsitý emes. Bul halyqaralyq, "órkenıeti" norma. Bizdiń elde, qudaıǵa shúkir "ásire ultshyldyq", turmystyq deńgeıde til máselesinde kemsitý joq. Bizdiń mádenıet sondaı. Biraq bul jaǵdaı til máselesiniń ózektiligin joǵaltpaıdy. Al, bizdiń ana tilimizdi qadirleý ár-bir qonaqtyń joǵary mádenıetiniń kórsetkishi. Biz eki tildi erkin meńgergenbiz ǵoı. Eshqandaı aıqaı-shýǵa salynbaı, agressııa jasamaı, óktemdik kórsetpeı kelgen azamattarǵa osy máseleni yjdahatpen, parasatpen túsindirip otyrǵan durys. Keı kezderi parasatpen, joǵary mádenıetpen, aqyl-oımen jeńetin mezet bolady. Búgin dál sondaı kez",- deıdi Erlan Saırov.
"Adyrna" ulttyq portaly
