Qazaq eliniń oqýshylary robototehnıka boıynsha Jenevada ótken halyqaralyq FIRST GLOBAL CHALLENGE kópsaıysynda top jaryp, altyn júldeni qanjyǵaǵa baılady. Bul jaıynda Oqý-aǵartý mınıstri Ashat Aımaǵanbetov súıinshilerdi, dep habarlaıdy "Adyrna" ulttyq portaly.
Temir qurylǵyǵa jan bitirip, oı tereńdigi, aqyl kemeldigimen baıqaýdyń bas júldesin qanjyǵalaǵan Qazaqstan oqýshylary jaıly mınıstr:
"Oqýshylarymyz Jenevada robototehnıkadan ótken FIRST GLOBAL CHALLENGE álem jarysynda jeńiske jetip, rekord ornatty. Balalarmen telefon arqyly baılanysyp, jeńispen quttyqtadym", - dep habarlady.
15-17 jas aralyǵyndaǵy álem oqýshylary qatysqan týrnırde el namysyn bes órenimiz qorǵady. Olardyń bári Ulttyq FIRST Global Challenge-diń jeńimpazdary. Úzdikter týrnırge qatysqan 3 kún aıasynda 16 oıyn matchyn ótkizip, buryn-cońdy bolmaǵan rekordtyq kórsetkishtegi upaı jınaǵan.
Aqparat úshin aıta keteıik, elimizde keıingi 3 jyl ishinde 41 IT-mektep ashylǵan, bilim shańyraqtarynda úsh myńnan astam robototehnıka synyptary bar. Olarda elý bes myńǵa jýyq oqýshy bilim alyp jatyr.
"Adyrna" ulttyq portaly
