Májilis depýtaty Gennadıı Shıpovskıh ózin «shovık» dep aıyptaǵandarǵa jaýap berdi, dep jazady "Adyrna" ulttyq portaly.
«Bul kisi meni shovık dep jatyr eken. Jalpy men shovık emespin. Birinshiden, men ózimdi qashan da qazaq dep sanaıtyn azamatpyn. Ekinshiden, Pavlodar, Qostanaı, Petropavl orystiki dep qoldap shyǵady depsiz. Qudaı qalasa, 20-21 qazan kúnderi áýeli Alla dep Soltústik Qazaqstanda, Petropavl qalasynda «Uly dala – ulttyń uly tili» atty qazaq tiliniń arnaıy forýmy bolaıyn dep jatyr. Men sol jaqqa barǵaly otyrmyn. Osy is-sharadaǵy basty maqsatym – qazaq tilin dáripteý. Iaǵnı soltústik óńirlerde Petropavl, Pavlodar qalalarynda qazaq tilin keńinen engizý boıynsha jumys atqaryp jatyrmyn. Birqatar paneldik sessııalarda ózim moderator bolyp, sol is-sharany júrgizemin. Sondyqtan meni bilmeı, "shovık", "orysshany qoldaıdy" dep mundaı artyq áńgime aıtýdyń qajeti joq. Men qazaqtardyń arasynda óstim. Qazaqtar meni kóterdi. Men ony jaqsy bilemin. Qazaq tiliniń arqasynda biraz jerge bardym. Qazir de qazaq tiliniń arqasynda halyq arasynda syıly bolyp júrmin. Men shovık emespin, men naǵyz qazaqstandyqpyn. Syrtym orys bolsa da, júregim qazaq. Sondyqtan ondaı áńgime aıtý – artyq», - dedi Gennadıı Shıpovskıh.
"Adyrna" ulttyq portaly
