«Adamdar – Özennıŋ jaŋa mūnaiy». Jaŋaözen qalasynyŋ käsıpodaq ökılderı 7-8 qazan künderı Aqmola oblysy Zerendı demalys aimaǧynda däl osy taqyrypta ötken jiynda bas qosty. Kelelı kezdesude mūnaişylar «Qazmūnaigaz» ūlttyq kompaniiasynyŋ basşylyǧymen jolyǧyp, tüitkıldı mäselelerdıŋ tüiının tarqatty.
«Qazmūnaigaz» bastamasymen käsıbi bılıktılıktı arttyru treningı retınde ötken ekıkündık jiynda käsıpodaq ūiymdarynyŋ belsendılerı QMG basşylyǧyna «Özenmūnaigaz» kompaniiasyndaǧy özektı mäseleler jaily baiandap, ony şeşu joldary men jergılıktı tūrǧyndardyŋ äleumettık jaǧdaiyn jaqsartu boiynşa ūsynystaryn ortaǧa saldy. Äŋgıme barysynda öndırıspen qatar, jūmysşylardyŋ käsıbi bılıktılıgın, eŋbek pen tärtıp önımdılıgın arttyru sekıldı taqyryptar da qozǧaldy.
«Bızdıŋ basty bailyǧymyz mūnai emes – adamdarymyz. Jūmysşylardyŋ äleumettık jaǧdaiyn jaqsartu, käsıbi bılıktılıgın arttyru, bılımın tereŋdetu, basyn bırıktırıp, auyzbırşılıgın nyǧaitu – kompaniianyŋ basty mındetterınıŋ bırı. Bız betpe-bet jüzdesıp, özektı mäselelerdı aşyq talqylap, senımdı dialog ornata bıldık. Mūndai erkın, beiresmi kezdesulerdı tūraqty türde ötkızetın bolamyz», - dep atap öttı QMG Basqarma töraǧasy Maǧzūm Myrzaǧaliev.
Tūmsa tabiǧatymen maqtanatyn Zerendıde ötken ekıkündık jiyn ūlttyq kompaniia basşylyǧy men jūmysşylar arasyndaǧy dialogty odan ärı nyǧaituǧa, senım men aşyqtyqqa negızdelgen bailanystyŋ beki tüsuıne mümkındık berdı. Būl turaly kezdesuden keiın «Özenmūnaigaz» jūmysşylarynyŋ jergılıktı käsıpodaǧy» qoǧamdyq bırlestıgınıŋ №1 mūnai-gaz öndıru basqarmasynyŋ käsıpodaq ökılı Älıbek Särsenov baiandap berdı.
«Däl osyndai beiresmi joldastyq kezdesuler adamdardy şynymen jaqyndastyrady. Bügıngı jiynnyŋ nätijesınde «QazMūnaiGaz» basşylyǧy men Jaŋaözen qalasynyŋ käsıpodaq ökılderı tüitkıldı mäselelerde ortaq kelısımge kelıp, özara senımdı qarym-qatynas ornatty. Al treningke keler bolsaq, eŋbek janjaldaryn tiımdı şeşudıŋ jaŋa daǧdylaryn igeru tūrǧysynan qūndy aqparat aldyq», - dedı jaŋaözendık maman.
Seminar soŋynda käsıpodaq ökılderı Jaŋaözen qalasynan 50 oquşy bılım alyp jatqan High School of Burabay mektep-internatyna bardy. Oquşylar jerlesterın ülken yqylaspen qarsy alyp, Burabai kurortynda ornalasqan elımızdegı eŋ taŋdauly mektepterdıŋ bırınde oqu turaly äserlerımen bölıstı.
Eske salsaq, biyl «Jarqyn bolaşaq» jobasymen jaŋaözendık onynşy synyptyŋ 50 oquşysy mektep-internatyna oquǧa tüsken bolatyn. «Özenmūnaigaz» AQ bastamasy «QazMūnaiGaz» ŪK AQ jäne «Samruk-Kazyna Trust» äleumettık jobalardy damytu qorynyŋ qoldauymen jüzege asty. Joba boiynşa Jaŋaözen qalasynyŋ daryndy balalary elımızdıŋ üzdık arnauly orta bılım beru mekemelerınde tegın bılım alu mümkındıgıne ie boldy.
Ekı kündık kezdesuge ÖMG bas direktory Maqsat İbaǧarov, ÖMG qūrylym basşylary, käsıpodaq töraǧasy men ÖMG käsıpodaq ūiymdarynyŋ (10 myŋ müşe) köşbasşylary, sondai-aq «QazGÖZ» JŞS käsıpodaq töraǧasy qatysty.
