Ardagerlerge qūrmet körsetıledı

«Şymkent qalasynda 84 844 zeinetker bar. Onyŋ 5-euı Ūly Otan soǧysy ardagerı bolsa, 2390-y tyl ardagerı. Sonymen qatar, qalamyzda 55 859 köp balaly ana tūrady. Onyŋ ışınde «Altyn alqa», «Kümıs alqa» belgısınıŋ iegerlerı 11 266-ny qūrap otyr». Būl turaly Şymkent qalalyq jūmyspen qamtu jäne äleumettık qorǧau basqarmasynyŋ basşysy B.Narbekova halyqaralyq qarttar künı qarsaŋynda ötken brifingte mälımdedı. Şymkenttıŋ är audanynda «Belsendı ūzaq ömır» ortalyǧynyŋ bölımşelerı aşylyp, zeinet jasyndaǧy azamattarǧa 4 saǧattttan ekı auysymda tegın arnauly äleumettık qyzmet körsetıp keledı. — Halyqaralyq qarttar künı qarsaŋynda zeinetkerlerdı sauyqtyruǧa arnalǧan taǧy bır «Belsendı ūzaq ömır» ortalyǧynyŋ bölımşesı saltanatty türde aşylmaq. Qaratau audanyna qarasty Jıbek joly köşesınde ornalasqan ortalyq 4 saǧattan ekı auysymda 150 kısıge deiın qyzmet körsetuge beiımdelgen. Sonymen qatar, ortalyqta därıgerlık tekseru, biliard, tennis, sadaq atu, ART terapiia, inemen emdeu, eŋbek terapiiasy, bassein syndy köptegen emdık jattyǧular qarastyrylǧan, - dedı Balmarjan Polatqyzy. Mamandardyŋ aituynşa, zeinet jasyndaǧy 9238 azamatty sanatorlyq emdeudı qamtamasyz etu qarastyrylǧan. Tamyz aiynyŋ qorytyndysyna säikes, 2040 kısı şipajaida em alǧan. Sonymen qatar, 2500 ardagerge respublikalyq, oblystyq jäne qalalyq merzımdı basylymdarǧa tegın jazylym ūiymdastyrylǧan. Aita keteiık, mereke qarsaŋynda qalanyŋ damuyna eŋbegı sıŋgen ardagerler men qarttardy qūttyqtap, syi-siiapat tabystau josparlanǧan.