Shymkent qalasynda QR Aqparat jáne qoǵamdyq damý mınıstrliginiń tapsyrysymen Qazaqstandyq qoǵamdyq damý ınstıtýtynyń uıymdastyrýmen «Ruh camp» kóshpeli oqytý semınary ótip jatyr. Semınarǵa Qyzylorda, Túrkistan oblystary men Shymkent qalasynyń ıdeologııa salasyna jaýapty jergilikti atqarýshy organdarynda jumys isteıtin 30-dan astam qyzmetker qatysýda. Olarǵa tanymal koých jattyqtyrýshylar, respýblıkalyq sarapshylar qaýymdastyǵynyń ókilderi men ınstıtýt qyzmetkerleri dáris ótedi.
Oqytý semınary qyzmetkerlerdiń kommýnıkatıvtik qasıetteri, analıtıkalyq daǵdylary men synı oılaý qabiletteriniń damýyna, aýqymdy derektermen jumys isteýdiń jańa ádis-tásilderin meńgerýge, jergilikti atqarýshy organdar qyzmetkerleriniń biliktiliginiń artýyna jáne BAQ salasynda sapaly aqparattyq-ımıdjdik súıemeldeýdi qamtamasyz etýge múmkindik berdi.
Oqytý semınaryn «Data Insight» táýelsiz agenttiginiń jáne Dataisight Academy onlaın mektebiniń dırektory, áleýmettik, bıznes jáne ǵylymı zertteýler júrgizýdegi 12 jyldyq tájirıbesi bar, 50-den asa aımaqtyq, respýblıkalyq jáne halyqaralyq aýqymdaǵy jobalardyń avtory, áleýmettik psıhologııa jáne zertteý ádisnamasy boıynsha jattyqtyrýshy Ilııas Tileýbergenov júrgizýde.
Eki kúndik modýldiń alǵashqy kúni Ilııas Tileýbergenov «Memlekettiń ıdeologııalyq jumystary: aımaqtarda iske asyrý joldary» taqyrybynda sóz alyp, ıdeologııanyń mańyzdylyǵy, qoǵamdyq sana men qundylyqtarǵa áseri, ıdeologııalyq jumystardy qarajatsyz ótkizý, ıdeologııalyq jumystyń tıimdiligin baǵalaý men monıtorıng jasaýdyń tásilderi boıynsha keńinen áńgimeledi.
Aıta keteıik, semınar sońynda qatysýshylarǵa sertıfıkattar tabystaldy dep josparlanǵan.
Jalpy, «Ruh camp» kóshpeli oqytý semınarlary osyǵan deıin 24-25 tamyz kúnderi Kókshetaý, 7-8 qyrkúıek kúnderi Aqtóbe qalalarynda ótken. Bıylǵy jyldyń 5-6 qazan kúnderi Almaty, 13-14 qazan Astana qalalarynda jalǵasady.
