Shymkent qalasynyń Qarataý aýdanynda mektep muǵalimderi arasynda fýtboldan saıys bastaldy.
Atalǵan báseke QR Prezıdentiniń Joldaýyn iske asyrý aıasynda, mektep muǵalimderi arasynda dostyqty dáripteý, buqaralyq sportqa tartý maqsatynda uıymdastyryldy.
Qarataý aýdany ákiminiń orynbasary Azamat Parmanov saıystyń ashylý rásiminde komandalarǵa sáttilik tilep, is-sharanyń mańyzyna toqtaldy. Jeńimpaz komandalar, oıynshylar arnaıy júldelermen marapattalady.
Jalpy saıysqa Qarataý aýdanynda 14 mekteptiń komandasy baq synaıdy. A.Parmanovtyń aıtýynsha, kelesi apta budan basqa mektepter arasynda da týrnır ótkizilip, aýdannyń úzdikteri anyqtalmaq.
Muǵalimder arasyndaǵy alǵashqy týrnırdiń jeńimpazdar men júldegerleri búgin anyqtalady.
