"Máıitin kómip tastaǵan": Qaraǵandyda iz-tússiz joǵalǵan azamattyń denesi tabyldy

2080
Adyrna.kz Telegram

Qaraǵandylyq polıeıler iz-tússiz joǵalyp ketken azamattyń máıitin tapty. Bul týraly Polisia.kz habarlady, dep jazady "Adyrna" ulttyq portaly. 

33 jastaǵy qala turǵyny 15 shildeden bastap iz-tússiz joǵalýyna baılanysty izdeýde bolǵan. Onyń naqty mekenjaıyn anyqtaý sharalary eki aıdan astam júrgizildi. Polıııa qyzmetkerleri azamatty anyqtaý jumysyna barlyq kúsh quraldardy jumyldyryp, onyń jaqyndary men tanystary boıynsha da aqparattar jınady.

“Júrgizilgen jedel-izdestirý is-sharalary men tergeý áreketteri barysynda krımınaldyq polıııa qyzmetkerleri joǵalǵan azamatty óltirdi degen kúdikpen 38 jastaǵy qala turǵynyn ustady. Ol jábirlenýshimen sózge kelispeýshilik barysynda oǵan dene jaraqattaryn keltirip, qylmysyn jasyrý maqsatynda máıitti jer úılerdiń biriniń qorasynda kómip tastaǵany týraly moıyndaý kórsetpe belgilerin berdi”, -dep habarlady Qaraǵandy oblystyq Polıııa departamenti bastyǵynyń orynbasary Ábil Ábildın.

Qazirgi ýaqytta atalǵan derek boıynsha Qazaqstan Respýblıkasy Qylmystyq kodeksiniń 99-babyna sáıkes qylmystyq is qozǵalyp, tergeý amaldary júrgizilýde. Kúdikti ýaqytsha ustaý ızolıatoryna qamaldy.

"Adyrna" ulttyq portaly 

Pikirler