Astana qalasynda jańa meshit boı kóterdi. Bul týraly Qazaqstan músylmandary dinı basqarmasynyń tóraǵasy, bas múftı Naýryzbaı qajy Taǵanuly aıtty, dep habarlaıdy «Adyrna» tilshisi.
«Qasıetti juma kúninde, ardaqty Paıǵambarymyz Muhammedtiń (oǵan Allanyń salaýaty men sálemi bolsyn) dúnıege kelgen qasıetti Máýlit aıynda Astana qalasy boıynsha 14-meshit esigin aıqara ashyp, jamaǵattyń ıgiligine berilip otyr. Bul – kópten kútken qýanysh. Óıtkeni, osy meshittiń ashylýy birneshe jyldarǵa sozyldy. Alaıda Alla Taǵalanyń qalaýymen sáýleti men sáni jarasqan meshit búgin halyq ıgiligine berildi. Jańa qulshylyq úıi qutty bolsyn.
Meshitti salǵan azamattarǵa aıryqsha alǵysymdy bildiremin.
Qalanyń Kóktal shaǵyn aýdanynda ashylǵan jańa meshitte bir mezette 500 adam qulshylyǵyn óteı alady»,—dedi ol.
