Qaraǵandyda áıel men onyń 7 jasar qyzynyń denesin orman alqabynan tabyldy. Bul týraly ekaraganda.kz saıty málimdedi, dep habarlaıdy “Adyrna” ulttyq portaly.
Boljam boıynsha, olar kisi qolynan kóz jumǵan. Qaıǵyly oqıǵa 18 nemese 19 qyrkúıekte bolǵan. 84 jastaǵy Antonına Iangeldiń aıtýynsha, shóberesi men nemeresi syrtqa shyǵyp ketip, qaıta oralmaǵan. Birneshe kúnnen keıin ájesi ekeýiniń de kóz jumǵanyn bilgen. Olardyń máıitteri Qaraǵandydan Aqtasqa barar joldaǵy orman alqabynan tabylǵan. Kózi durys kórmeıtin áje endi jalǵyz qalyp otyr. Onyń bir kezderi uly Germanııada, qyzy Ýkraınada baryp, joǵalyp ketken eken.
Turǵyndar alańdap otyr. Qart áje az zeınetaqymen ómir súredi, onyń týystary joq. Tamaq jasamaq túgili, ózine tolyqtaı aqaraı almaıdy. Eń soraqysy 33 jastaǵy áıel men 7 jastaǵy qyzdy kimniń óltirgeni belgisiz.
“Nemerem qyzymen birge uzaq ýaqyt Ýkraınada turǵan. Keıin Qazaqstanǵa oralyp, menimen turǵysy keletinin aıtty. Ony kolledjge oqýǵa, sodan keıin medıınalyq mekemege jumysqa ornalastyrýǵa tyrystyq.
Sońynda avtolombardta esepshi bolyp jumys istedi. Jumys orny jabylyp qalǵan soń saýda ortalyǵynda býtıktiń satýshysy boldy. Nemeremnińalǵashqy nekesi sátsiz aıaqtaldy. Basynda bári jaqsy bolǵan. Júkti bolǵannan keıin oǵan kómektesip turdym. Erli-zaıyptylar biraz ýaqyt birge turdy”, – deıdi Antonına Iangel.
Qarııanyń aıtýynsha, bir kezderi nemeresine belgisiz bireýden hattar kele bastaǵan.
“Ol kimnen, ne jazylǵanyn bilmeımin. Qaıǵyly jaǵdaıǵa sebep boldy ma, ol da belgisiz. Polıııa bul isti tergep jatyr ma? Ony da bilmeımin. Maǵan eshkim kelgen de joq, qońyraý da shalmady” – , deıdi áje dirildegen daýyspen.
Qaıǵyly oqıǵany Qaraǵandy oblysy polıııa departamenti rastap otyr.
“24 qyrkúıek saǵat 16.00 shamasynda Aqtas kentiniń syrtyndaǵy orman alqabynda deneleri kúrt búlingen 33 jastaǵy azamatsha men onyń 7 jastaǵy qyzynyń máıiti tabyldy. Atalǵan derek boıynsha Qazaqstan Respýblıkasy Qylmystyq kodeksiniń 99-baby 2,3-tarmaqtaryna sáıkes qylmystyq is tirkeldi”, – delingen polıııa habarlamasynda.
Qajetti saraptamalar taǵaıyndaldy. Polıeıler tergeý jumystaryn júrgizip jatyr.
