Qos azamattyǵy bar reseılik erli-zaıypty Qazaqstannan shyǵaryldy. Bul týraly Kóliktegi polıııa departamenti málimdedi, dep habarlaıdy “Adyrna” ulttyq portaly.
Oqıǵa Almaty halyqaralyq áýejaıynda bolǵan. Quzyrly organ qyzmetkerleri Reseıden kelgen 71 jáne 69 jastaǵy erli-zaıyptynyń qos azamattyǵy baryn anyqtady. Olardyń ústinen Ákimshilik quqyq buzýshylyq týraly kodekstiń 496-baby 2-bóligi («Shetel azamattyǵyn alý faktisin habarlamaý») boıynsha ákimshilik hattama toltyryldy.
“Almaty qalasynyń ákimshilik quqyq buzýshylyqtar jónindegi mamandandyrylǵan aýdanaralyq sotynyń qaýlysymen zańdy buzǵan erli-zaıypty elden shyǵarylyp, 5 jyl Qazaqstanǵa kirý quqyǵynan aıyryldy”, - dedi Kóliktegi PD basshysynyń birinshi orynbasary, polkovnık Madııar Aıtýǵanov.
Aıta keteıik, jyl basynan beri kóshi-qon zańnamasyn buzǵany úshin 986 adam jaýapkershilikke tartyldy. Onyń ishinde 38 adamnyń qos azamattyǵy bary anyqtalǵan. Sondaı-aq sot qaýlysymen 155 sheteldik elden shyǵaryldy.
