Qazaqtyń Reseı, Mońǵolııa, Qytaı, Ózbekstan, Túrkimenstandaǵy atajurtynda otyrǵan aǵaıyndardyń taǵdyry qashan da kópshilikti alańdatady. Ásirese, Reseıdegi atajurtymyzda qalǵan qazaqtardyń kóbi mobılızaııa jeleýimen urys dalasyna attandyrylýda. Olardyń tumandy taǵdyryna qatysty jýrnalıst Alma Saılaýqyzy arnaıy pikir bildirdi, dep habarlaıdy "Adyrna" ulttyq portaly.
-Keshe Saratovtyń (qazaqsha ataýy - Carytaý) qazaǵy óz jerindegi mobılızaııa qalaı ótip jatqany týraly aıtyp berdi. Tyńdap otyryp júregim aýyrdy. Gaı Aleksandrov atty (ortalyǵy Saratovtan 1113 km) eldi-mekende orystar men qazaqtardyń úlesi teńdeı eken. 50:50 deýge negiz bar. Mobılızaııa bastalǵanda, eki jaqtan da teńdeı adam alynady degen logıkalary “synyp” qalypty. Gaılyqtardan 450 adam soǵysqa alynǵan. Nesheýi orys dep oılaısyzdar? 225 adam? 25 adam? 3 adam! 450-den tek úsheýin ǵana orystan alynǵan. Senesizder me? 447-si qazaqtar! Áskerde bolyp kelgen Volodıa áli iship, shalqyp júr eken. Oǵan povestka kelmegen. Al ómiri áskerde bolmaǵan, zań boıynsha ishinara mobılızaııaǵa jatpaıtyn mehanızator, traktorıst, veterenar Baqyt, Murat, Armannyń bárin bir kúnde jınap, attandyryp jibergen, - dep jazdy avtor.
Sonymen qatar, qazaqtyń aıaýly qyzy Reseı jerinde ómir súrse de, óz ata-babasynyń atajurtynda otyrǵan aǵaıynnyń taǵdyryna alańdaýshylyq bildirdi.
- 9000 adamy bar osy selodan bir-eki jigit qana Qazaqstandaǵy týystaryna ketipti. Al qalǵandary “Satqyn bolmaımyz, Otanymyzdy qorǵaımyz” dep, otar-otar qoı sekildi kete berýge ázir. Qandaı aıanyshty. Sarytaýyn emes, ózge eldiń terrıtorııasynda pýtlerdiń sasyq kókiregin qorǵaımyn dep kúli kókke usharyn oılaýǵa qaýqarsyz. Ózderin oqty azaıtar “pýshechnoe mıaso”, ári qazaq jerin qazaqtardan ońaı tazartar qural retinde aıaýsyz qoldanyp jatqanyn uǵynýǵa dármensiz, - dep jazdy.
Atajurtynda qalǵan qazaqtardyń keleshegi jaıynda:
- Birer jyl buryn Qytaıǵa ótken atajurtynda qyrylǵan qazaqtardan esh aıyrmashylyǵy bolmaı tur. Ádis ártúrli. Nátıje bir. Avtorıtarly, qylyshynan qan tamǵan jerde qazaqtyń bolashaǵy joq. Ol jerler endi tarıhı otanyna orala ma, joq pa, beımálim. Biraq ózin saqtaǵysy kelgen, urpaǵyn órbitkisi kelgen qazaqtar Qazaqstanǵa oralmasa, ol jaqta quryp-joıylary nemese atyn, jónin, dilin, tilin, dinin satyp, tolyq assımılıaııaǵa túsip keteri anyq eken, - dep pikir bildirdi sóz sońynda.
Aıta keteıik, áleýmettik jelide mobılızaııa proesine Reseıdegi sany az etnıkalyq ult ókilderin alyp jatqany jaıly aqparat tarap jatyr. Soǵan oraı, BiGroup qurylys kompanııasy Astana men Atyraýda Reseıdiń etnıkalyq qazaqtarǵa jataqhana berip, elge kelgenderdi ornalastyrýdy bastap ketti.
Buǵan qatysty:
"Ár qazaǵym jalǵyzym. Tek shekaradan ótseńizder boldy. Bóten el men bóten soǵystan qazaqty saqtap qalaıyq. Bul bizdiń ata-baba aldyndaǵy qasterli boryshymyz" delingen kompanııa habarlamasynda.
"Adyrna" ulttyq portaly
