«AMANAT» partiiasy janyndaǧy Kölık jäne logistika komitetınıŋ otyrysynda elımızdıŋ tranzittık quatyn arttyru jäne «Qazaqstan temır joly» Ūlttyq kompaniiasy» AQ-nyŋ tranzittık-logistikalyq korporasiia bolyp qaita qūryluy mäselelerı talqylandy.
Otyrysty aşa otyryp, Komitet töraǧasy, Mäjılıs deputaty Samat Aqyşev Prezident Qasym-Jomart Toqaevtyŋ «Ädılettı memleket. Bırtūtas ūlt. Berekelı qoǧam» atty Qazaqstan halqyna Joldauy reformalar baǧytynyŋ sabaqtastyǧyn aiqyndaitynyna nazar audardy. Al ony ıske asyru – eldegı jeke biznestıŋ damuyna tyŋ serpın beredı.
«Joldauda kölık mäselesıne qatysty aitylǧan tapsyrmalar qoǧam men jeke biznestı tarta otyryp oryndaluy tiıs. Sol arqyly biznes öz damuyn josparlai alady. Salaǧa investisiia qūiady jäne ortaq jauapkerşılıktı arqalaidy. Memleket basşysy aitqandai: «Bız būl mümkındıktı tolyq paidalanyp, älemdık maŋyzy bar kölık-tasymal torabyna ainaluymyz kerek», – dep atap öttı S.Aqyşev.İndustriia jäne infraqūrylymdyq damu vise-ministrı Almaz Ydyrysov Komitet müşelerıne Qazaqstannyŋ tranzittık quatyn arttyru boiynşa qabyldanyp jatqan şaralar turaly baiandady. Ol Transkaspii halyqaralyq kölık baǧdaryn damytu tranzittık jäne eksporttyq mümkındıkterdı ärtaraptandyruǧa jaǧdai tuǧyzatynyn atap öttı.
«Aldymyzda osy baǧyttyŋ ötkızu qabıletın 2025 jylǧa qarai 6 mln tonnadan 10 mln tonnaǧa deiın arttyru mındetı tūr. Atap aitqanda, Aqtau portynda älemdık logistikalyq kompaniialardy tarta otyryp, «konteinerlık hab» salu josparlanuda. Sondai-aq, Kaspii teŋızındegı parom flotynyŋ tapşylyǧyna bailanysty, 10 bırlık öz paromymyzdyŋ qūrylysyn bastau josparlanuda. Būǧan qosa, jyljymaly temırjol sostavyn jaŋartu maqsatynda 2025 jylǧa deiın 1500 jartylai vagon, 3500 vagon platforma jäne 310 lokomotiv satyp alu josparlanyp otyr», – dedı vise-ministr.Öz kezegınde, «Qazaqstan temır joly» ŪK» AQ Basqarma töraǧasynyŋ orynbasary Änuar Ahmetjanov Europa men Aziia elderınıŋ tūraqty sauda kölemı, teŋız tasymalynyŋ tūraqsyzdyǧy men joǧary qūny Qazaqstannyŋ kölık dälızderınıŋ quatyn edäuır arttyratynyn atap öttı.
«Keiıngı 5 jylda tranzittıŋ jyl saiynǧy ösımı orta eseppen 31%-dy qūrady. Byltyr rekord ornady. Iаǧni, tranzit 1 mln JFE-den (konteinerlerden) asty. Būl nätijege Ükımet pen QTJ-nyŋ josparly jūmysy arqyly qol jetkızıldı. Tranzittık tasymaldardan tüsetın kırıs retteletın qatynastardaǧy şyǧyndardy jabudy, jolauşylar tasymalyn subsidiialaudy, tarifterdıŋ ösuın tejeudı qamtamasyz etedı», – dedı ol.Būl rette, Samat Aqyşev, t/j tasymaldary naryǧyndaǧy negızgı oiynşy märtebesıne qaramastan, salanyŋ bäsekege qabıletın arttyru üşın «Qazaqstan temır joly» kölık jäne logistikalyq qyzmetter salasyna jeke kompaniialardy keŋınen tartuǧa yqpal etuı tiıs dep esepteidı.
«QTJ bır yŋǧaily mehanizmdı pysyqtauy qajet. Būl mehanizm QTJ-ǧa auyrtpaşylyq tüsıretın mındetterdı oryndauǧa biznestı yntalandyru tiıs. Aşyq jäne ädıl oiyn erejelerın qalyptastyru kerek. Tüptep kelgende, jük tasymaly tarifınıŋ är adamǧa qatysy bar», – dedı Komitet töraǧasy.Otyrys qorytyndysy boiynşa, Keŋes beiındı ortalyq atqaruşy organ men «QTJ»-ǧa arnalǧan bırqatar naqty ūsynymdar qabyldady. Atap aitqanda, İndustriia jäne infraqūrylymdyq damu ministrlıgı Bäsekelestıktı qorǧau jäne damytu agenttıgımen jäne Bas kölık prokuraturasymen bırlesıp, biznestı qorǧau jäne jeke sektordy qoldau jönınde tiımdı şaralar qabyldau qajettıgıne nazar audardy.
