Basty bet
Ózekti
Din máseleleri jónindegi kýrs ótti

Din máseleleri jónindegi kýrs ótti

12.10.2018

2666

2018 jyldyń 5 qazanynda Qaraǵandy qalasynda (Qazaqstan Respýblıkasy qoǵamdyq damý mınıstrliginiń qoldaýymen «Azamattyq bastamalardy qoldaý ortalyǵy» KEAQ-nyń memlekettik granty aıasynda) «Parasat» keńes berý-ádistemelik ortalyǵy» mekemesi uıymdastyrǵan «Din máseleleri jónindegi aqparattyq-túsindirý toby múshelerin daıarlaý jáne qaıta daıarlaý jumystaryn uıymdastyrý» granty aıasynda aqparattyq-túsindirý toptarynyń ár túrli deńgeıdegi múshelerin oqytý kýrsy aıaqtaldy.
Kýrsqa Shyǵys Qazaqstan, Pavlodar, Qaraǵandy oblystarynyń aqparattyq-túsindirý toptarynyń 100 múshesi qatysty. Sertıfıkattar men QR Qoǵamdyq damý mınıstrligi qoǵamdyq kelisim komıtetiniń «Óńirlik din máseleleri jónindegi aqparattyq-túsindirý tobynyń múshesi» degen arnaıy kýáligin Qoǵamdyq kelisim komıtetiniń basqarma basshysy M.Qarabaeva tabystady. Barlyǵy 37 kýrs tyńdaýshysy kýálik ıegerleri atandy.
Arnaıy kýálikti ıelený talaptary:
óńirlik aqparattyq-túsindirý toptarynyń quramynda 1 jyldan 3 jylǵa deıingi jumys tájirıbesiniń bolýy;
jergilikti quzyrly memlekettik organnyń usynysy;
attestaııalyq testileýdiń qorytyndysy;
kýrs barysynda tájirıbelik jumystaryn tyńdarmandar men sarapshylardyń baǵalaýy;
Kelesi aımaqtyq kýrs 2018 jyldyń 22-26 qazan aralyǵynda Oral qalasynda ótkizilýi josparlanǵan. Bul kýrsqa Atyraý, Mańǵystaý, Batys Qazaqstan, Aqtóbe oblystarynyń din máseleleri jónindegi aqparattyq-túsindirý tobynyń músheleri shaqyrylady.

Facebook - парақшамызға жазылыңыз!