Indýstrııa jáne ınfraqurylymdyq damý mınıstrliginiń baspasóz hatshysy Janjigit Omarhan barlyq kólik ınfraqurylymynyń shtattyq rejımde jumys istep jatqanyn málimdedi, dep habarlaıdy «Adyrna» tilshisi.
«Qazirgi tańda elimizdiń barlyq kólik ınfraqurylymy shtattyq rejımde jumys isteýde. Poıyzdar men ushaqtar jáne avtobýstar kúndegideı jolaýshylar tasymalyn uıymdastyrýda.
⠀
Sondaı-aq tasymaldaý syıymdylyǵyn arttyrý jáne reısterdiń keshigý sanyn azaıtý maqsatyndaǵy tapsyrmany oryndaý úshin keshe keshkilik otandyq áýe parki taǵy bir «Boeing-737» ushaǵymen tolyqty. Bul SCAT avıakompanııasynyń sońǵy bir jarym aıda alǵan tórtinshi «Boeing» áýe kemesi. Syıymdylyǵy 189 oryndyqty quraıtyn samolet avıakompanııa parkindegi 30-shy ushaq. Bıylǵy jyldyń sońyna deıin Qazaqstannyń azamattyq avıaııa floty taǵy da 10 áýe bortymen tolyǵady dep josparlanyp otyr.
⠀
Respýblıkalyq mańyzy bar kólik joldaryndaǵy qazirgi jaǵdaı men ondaǵy qozǵalys qarqyndylyǵy da aldyńǵy aptalardaǵydaı qalypty deńgeıde»,—dedi ol.
⠀
