"Depýtattarymyzdyń aıtýy boıynsha biz Kedendik odaqtyń múshesi bolǵandyqtan shekarany jaba almaıdy ekenbiz. Al endi bolashaq kúnimiz ne bolmaq? Buǵan tez arada bir shara qoldaný kerek". Bul pikirdi belgili ánshi Nurlan Alban óziniń ınstagram paraqshasynda habarlady, dep jazady "Adyrna" ulttyq portaly.
"Kórshińnen lań shyqsa, ózińnen maza ketedi. Mundaǵy aıtpaǵym ne? Keshegi Reseıde jarııalanǵan mobılızaııa jaıynda. Men sardarly saıasatker emespin. Biraq ta, mımen uǵyp, júrekpen sezgennen keıin áleýmettik jelilerden alǵan aqparattar boıynsha mazamnyń ketip otyrǵany anyq. Munyń sońy ne bolady? Derekkózderge súıensek, osynyń aldynda ǵana Reseı azamattarynyń bizdiń Qazaq jerine kelgen sany jarty mıllıonǵa jýyqtaǵan. Al mobılızaııadan keıin Reseı azamattarynyń Qazaqstanǵa údere kóshetini sózsiz. Depýtattarymyzdyń aıtýy boıynsha biz shekarany jaba almaıdy ekenbiz. Sebebi, biz Kedendik odaqtyń múshesi bolǵandyqtan bizge shekarany jaba almaıdy. Al endi bolashaq kúnimiz ne bolmaq? Onsyz da qymbatshylyq qysyp jatqanda ázer júrgen keıbir qazaq otbasylary... Odan qala berdi orta qoldy ómir súrip jatqan 90 paıyz qazaqtardyń kúni ne bolady? Balalarymyzdyń bolashaǵy ne bolady? Buǵan tez arada bir shara qoldaný kerek dep oılaımyn. Muny men emes sheshetin... Joǵaryda Úkimet basynda otyrǵan at ústindegi azamattar! Mınıstrler kabıneti! Depýtattar! Tez arada bir mámlege keledi degen senimdemin. Óıtkeni, bizdiń elge tynyshtyq kerek! Uıyp otyrǵan tynyshtyǵymyzdy Alla kóp kórmesin dep tileımiz... Elimiz aman, jerimiz tynysh bolsyn! Men balalarymnyń bolashaǵyna, ózimizdiń elimizdiń bolashaǵyna alańdaýlymyn...", - deıdi Nurlan Alban.
"Adyrna" ulttyq portaly
