Myna ómirden kóp nárseni az uqtym,
Kinálaýim emes sizdi jazyqtym.
Meni aqynym, aq gúlderge teńeme!
Men... men gúlden de názikpin...
Búgin Almaty qalasy Qazaq memlekettik qyzdar ýnıversıtetinde jas aktrısa, talantty aqyn Aqgúl Aıdarbekqyzynyń «Men gúlden de názikpin...» atty tuńǵysh jyr jınaq kitabynyń tusaýkeseri ótti.
Jyr-jınaqtyń shymyldyǵy Jibek Shahmardannyń «Nazqońyr» kompozıııasymen ashylyp ary qaraı avtordyń birneshe óleńderi oqyldy.
Erkelegim kelip ketti...
Sizsiz keshken kúnderime kóndige,
Sulbańyzdy izdep júrmin kósheden..
Álde, sizge erkelegim keldi me?
Óksip- óksip jylap aldym keshe men.
Sendeldim-aý..tońyp qaldym birshama,
..Móldir kózim..
Alasuryp izdedi.
Júzińizden yzǵar shashyp tursa da,
"..Qońyr qozym" deýshedińiz siz meni.
Óleń órdim qalamymmen baq qazyp,
Tym kesapat sezimime qaıǵy ala.
..Sizge búgin..
..Júregimmen..
..Náp-názik..
Erkelegim kelip ketti jáı ǵana..
Úrkek oıdyń aıasy da keń edi,
Keýde tusty sharpyp aldy jalmaı syz,
Sher qushaqta erip ketkim keledi,
Al siz tipti erkelete almaısyz..!
Sertten taıyp ketkenimmen sheginip,
Sherbet muńǵa yntyq ári qumar kúz.
Bálkim, qazir ózge jandy elirip,
Erkeletip otyrǵan da shyǵarsyz..!
Kitaptyń tusaýyn Serik Qalı, Dármen Symaıl, Aǵaısha Isaǵul kesip avtorǵa shyǵarmashylyq tabys tilep, tilek-batalaryn berdi.
Jyr-jınaqtyń tusaýkeserine aqyn, saıası jýrnalıst Qajymuqan Ǵabdollamen aqyn Batyrhan Sársenhan, Erjan Isa jyrdan shashý shashty.
Jyr keshinde avtordyń eń jas oqyrmany Bekasyl Erdosuly avtordyń «Dostyq» óleńin jatqa oqyp jınalǵan kópshiliktiń yqylasyna bólendi.
Dostyq
Shyn dostyqqa jeteledi bar mańyń,
Joldastyqqa qol bulǵady arna myń.
Biraq, sonsha ósek- aıan sózderden,
Bilesiń be?
Bıik tura almadyń.
Dostyqpenen + qupııa ma = qut egiz?
Janymyzdy túńiltpeı- aq tútermiz.
Syrǵa bekem bola almaǵan jandardan,
Bizder osy, ne myqtylyq kútemiz?
Qańqý sózder qasiretpen uq qaıǵy,
Múmkin keris aramyzdy nyqtaıdy.
Bir bilerim, sóz qýǵannyń bərinen,
Eshqashan da dostyq degen shyqpaıdy!
Shyqqanymen san shyńyraý, jar aldan,
Jan emes pe eń bir bıikke bara alǵan?!
Biraq, seniń əspettegen dostyǵyń,
Bul dúnıede bolmaýy úshin jaralǵan
Aqgúl Aıdarbekqyzy
Jyr keshi ánge toly. Gıtaranyń, baıannyń súıemeldeýimen birneshe ánder de shyrqaldy. Sonyń bir mysaly – Aqgúldiń jaqyn qurbysy, Syr óńiriniń týmasy, aıtysker aqyn, jazba aqyn Jibek Shahmardanqyzynyń "Appaq gúlge" atty ázilge toly arnaý óleńin Merýet gıtaramen oryndap shyqqan sáti:
Appaq gúlge
Tynysh edi ómiriń,
Óleń órip ózgerdi,
Alaburtyp kóńiliń,
Shabytyń da tez keldi.
Qaıyrmasy:
Sóz tabasyń aıtýǵa,
Júrgeniń joq qysylyp.
Qara qazaq halqyna,
Əppaq jyrlar, əppaq jyrlar, əppaq jyrlar usynyp.
Kúlip kóziń nurlana,
Jetkizesiń sezimdi.
Synbaı ərkez synǵa da,
Jansyń arly, tózimdi.
Qaıyrmasy:
Sóz tabasyń aıtýǵa,
Júrgeniń joq qysylyp.
Jaqyndaryń kelip tur,
Əppaq gúlder, əppaq gúlder, əppaq gúlder usynyp.
Jyr-jınaqtyń sońy avtordyń qoltańbasymen kitap alý, áserli sáttiń kýási- avtormen fotoǵa túsýmen aıaqtaldy
Jandos Maqsutqalıuly.
"Adyrna" ulttyq portaly.
Foto avtordan.
P.S: Jyr-jınaqtyń foto-vıdeosynyń tolyq nusqasy avtordyń youtube kanalymen "Adyrna" saıtynda
Kanalǵa silteme:
https://www.youtube.com/channel/UCI5mtdJtgSQX2-nVeL54iKQ?view_as=subscriber
