«Ulttyq tabystyń ıgiligin bári birdeı kórip otyrǵan joq». Bul Prezıdent Qasym-Jomart Kemelulynyń Joldaýda aıtqan sózi edi. Memleket basshysy ózi atap ótkendeı, bunyń barlyǵy –kúrdeli máseleler. Ony sheshýdiń joldary san tarapty. Sonyń biri – shaǵyn jáne orta bıznesti damytý.Almaty qalalyq ákimdiginińde basty basymdyq berip otyrǵan salasy- shaǵyn jáne orta bıznes. Atalǵan salany damytý megapolıs basshylyǵynyń aldyna qoıǵan mereıli mindeti bolyp tabylady. Bul týraly bıznes, salalyq qaýymdastyq jáne «Atameken» UKP ókilderimen kezdesýde qala ákimi Erbolat Dosaev málimdedi, dep habarlaıdy "Adyrna" tilshisi.
Memlekettik bıýdjet kirisiniń tórtten bir bóligi jáne Qazaqstannyń barlyq saýda operaııasynyń 35%-dan astamy Almatyǵa tıesili. Al megapolıstiń shaǵyn jáne orta bıznesi qalanyń 65% jumyspen qamtamasyz etedi.
Erbolat Dosaev máslıhat qabyldaǵan «Almaty qalasyn 2025 jylǵa deıin damytý baǵdarlamasy jáne 2030 jylǵa deıingi orta merzimdi perspektıvalary» týraly aıtyp berdi.
Qujatta basym salalar aıqyndalǵan. Bul óńdeý ónerkásibi, kreatıvti ındýstrııa, IT sala jáne týrızm. Jumys oryndaryn qurýǵa, ınvestıııa tartýǵa jáne iskerlik ortany jaqsartýǵa basa mán beriledi.
«Almatynyń bolashaq damýynyń jetistigi men josparlardyń júzege asýy ekonomıkanyń turaqty ósýimen, turaqty qarjylyq kiristermen jáne kásipkerler úshin de, syrtqy ınvestorlar úshin de qolaıly iskerlik klımatpen anyqtalady degen nyq senimdemin», – dedi ákim óz sózinde.
2022 jylǵy 1 qyrkúıektegi jaǵdaı boıynsha Almatyda 262 myń shaǵyn jáne orta bıznes sýbektisi jumys isteıdi. Ótken jyldyń osy kezeńimen salystyrǵanda ShOB kásiporyndarynyń sany 33,7%-ǵa ósti. Bıyl olardy damytýǵa memlekettik jáne qalalyq baǵdarlamalar aıasynda 47,6 mlrd teńge bólindi. 1,3 myńnan astam joba maquldandy.
