«Ūlttyq tabystyŋ igılıgın bärı bırdei körıp otyrǧan joq». Būl Prezident Qasym-Jomart Kemelūlynyŋ Joldauda aitqan sözı edı. Memleket basşysy özı atap ötkendei, būnyŋ barlyǧy –kürdelı mäseleler. Ony şeşudıŋ joldary san tarapty. Sonyŋ bırı – şaǧyn jäne orta biznestı damytu.Almaty qalalyq äkımdıgınıŋde basty basymdyq berıp otyrǧan salasy- şaǧyn jäne orta biznes. Atalǧan salany damytu megapolis basşylyǧynyŋ aldyna qoiǧan mereilı mındetı bolyp tabylady. Būl turaly biznes, salalyq qauymdastyq jäne «Atameken» ŪKP ökılderımen kezdesude qala äkımı Erbolat Dosaev mälımdedı, dep habarlaidy "Adyrna" tılşısı.
Memlekettık biudjet kırısınıŋ törtten bır bölıgı jäne Qazaqstannyŋ barlyq sauda operasiiasynyŋ 35%-dan astamy Almatyǧa tiesılı. Al megapolistıŋ şaǧyn jäne orta biznesı qalanyŋ 65% jūmyspen qamtamasyz etedı.
Erbolat Dosaev mäslihat qabyldaǧan «Almaty qalasyn 2025 jylǧa deiın damytu baǧdarlamasy jäne 2030 jylǧa deiıngı orta merzımdı perspektivalary» turaly aityp berdı.
Qūjatta basym salalar aiqyndalǧan. Būl öŋdeu önerkäsıbı, kreativtı industriia, IT sala jäne turizm. Jūmys oryndaryn qūruǧa, investisiia tartuǧa jäne ıskerlık ortany jaqsartuǧa basa män berıledı.
«Almatynyŋ bolaşaq damuynyŋ jetıstıgı men josparlardyŋ jüzege asuy ekonomikanyŋ tūraqty ösuımen, tūraqty qarjylyq kırıstermen jäne käsıpkerler üşın de, syrtqy investorlar üşın de qolaily ıskerlık klimatpen anyqtalady degen nyq senımdemın», – dedı äkım öz sözınde.2022 jylǧy 1 qyrküiektegı jaǧdai boiynşa Almatyda 262 myŋ şaǧyn jäne orta biznes subektısı jūmys ısteidı. Ötken jyldyŋ osy kezeŋımen salystyrǧanda ŞOB käsıporyndarynyŋ sany 33,7%-ǧa östı. Biyl olardy damytuǧa memlekettık jäne qalalyq baǧdarlamalar aiasynda 47,6 mlrd teŋge bölındı. 1,3 myŋnan astam joba maqūldandy.
Ūqsas jaŋalyqtar
