Abaı atamyzdyń ánin qorladyńdar - Ramazan Stamǵazıev

1867
Adyrna.kz Telegram

Qala kúnine oraı Almatyda ótken úsh kúndik is-sharanyń birinde Abaıdyń "Boıy bulǵań" ánin shyrqaǵan jas ánshiler jurttyń ashýyn týǵyzdy. Keń tynysty Abaı ániniń  oryndalýyna kóńili tolmaǵandar qatarynda kásibı óner maıtalmandary da bar, dep jazady "Adyrna" ulttyq portaly.

Qazaqstannyń eńbek sińirgen ártisi Ramazan Stamǵazıev án vıdeosyn óz paraqshasynda bólisip:

Almatynyń qaq ortasynda myna mańqalar Abaı atamyzdyń "Boıy bulǵań" ánin oryndap sahnaǵa shyqty. Jańa Qazaqstannyń juldyzdary. Netken arsyzdyq, osylardy qoldap, qalyń eldiń aldyna shyǵarǵan kim? Mynalardan ne uqty eken kórgen, estigen adamdar? Mádenıet basqarmasy, jaýapty adamdar qaıda? - dep jazdy.

Ánniń naqyshyna keltirip oryndalmaǵanyna renish bildirgenderdiń qarasy qalyń.

"Beıbit elde sán bólek, búlingen elde án bólek (Tóle bı)",  "Quldyrap bara jatqan qaıran ýaqyt. Masqara, qaıda ketip baramyz. Bolashaǵymyz ne bolmaq?", "Bári satylatyn bolǵan: ar, mansap. Tek halyqtyń pikirin satyp ala almas" dep jazdy oqyrmandar.

 

Pikirler