Qūqyq qorǧauşy, qoǧam belsendısı Aigül Orynbek özınıŋ feisbuk paraqşasynda Rim papasynyŋ Qazaq elıne saparyn synaǧan azamattarǧa qarata öz pıkırın bıldırdı. Azamattyq qoǧamnyŋ ūstanymdaryn jaqtaityn qoǧam belsendısı el tūrǧyndaryn örkeniet köşınen qalys qalmai, adamzattyq sanaǧa ūmtyluǧa şaqyrady.
- Rim Papasyn mazaqqa ainaldyryp otyrǧandardy oqyp, bız örkeniettı elderdıŋ qataryna jaqyn künderı kırmeitınımızge közım jettı. Auyldaǧy küibeŋ tırşılıkpen jürgender jazyp jatsa meilı ǧoi, el aldynda äjepteuır abyroiy bar jıgıtter kündep otyrǧany jaramady. Qai mūsylmandy kördıŋder ölımdı , soǧysty toqtatu üşın, osylai bır basşysynyŋ kelıp aiaǧyn süigen?! Beibıtşılık simvolyna ainalǧan Rimdık äkeidı osy üşın qatty qūrmetteimın. Jäi ǧana üş tört kün bolǧan qaŋtar oqiǧasynda qyrylyp kete jazdadyq. Al on jyl boiy Sudandaǧy Azamattyq soǧys 100 myŋnan astam beibıt adamdardyŋ ömırın qidy. Rim äkei 2019 jyly arnaiy Sudanǧa kelıp, Salva Kiranyŋ aiaǧyn soǧysty toqtatşy dep süigenın köp jastar bıle bermeidı. Qaita būndai jiyndardyŋ maqsatyn jastarǧa tüsındırıp otyruymyz kerek! Jan-janǧamyz soǧys otyna tūtanyp, ırgeles körşılerımız qyrǧi qabaq soǧysyp jatqanda bızdıkı ne tälpıştık jıgıtter?! Qaita quanbaimyz ba? Bızdıŋ el bükıl dın ökılderınıŋ basyn qosyp beibıtşılıkke şaqyryp jatqanyna maqtanbaimyz ba? Soǧys - būl ülken qasyret! Özge elde jan sauǧalap qaşyp jürgen Ukraindyq tar bızge qyzǧana qaraidy. “Beibıt elde, sender siiaqty öz üiımızde,öz jerımızde tūrǧanǧa ne jetsın?!”,- dep jylap otyr. Beibıtşılıktıŋ qadırın bıleiık jıgıtter! Bır kündık äzıl qaljyŋmen Otan qorǧalmaidy! Kez kelgen dünienı tereŋırek oilanatyn uaqyt keldı! - dep jazady Aigül Orynbek.
Ūqsas jaŋalyqtar
