Parlament Senatynyŋ deputaty Nūrtöre Jüsıp Facebook-tegı paraqşasynda Rim papasynyŋ dombyra turaly aitqanyn jazdy, dep habarlaidy “Adyrna” ūlttyq portaly.
«Būl – batyrlardyŋ jerı, būl – oişyldardyŋ jerı, būl – suretşılerdıŋ, öner adamdarynyŋ jerı. Būl jer mädenietke toly jäne mūnda qaiǧyly oqiǧalar da bolǧan. Qazaq halqy basqa tüsken qanşama qiyndyqtarǧa moiyǧan joq, asqan qaisarlyqpen tötep berdı», – dedı Rim papasy.Rim Papasy «Qazaqstan» konsert zalynda alys joldan kelgenıne qaramastan elge ystyq yqylasyn bıldırıp, söz söiledı, qazaqtyŋ dombyrasy turaly pıkır bıldırdı.
«Dombyra – qattylyq pen jūmsaqtyq üilesımı. Dombyranyŋ ekı ışegı – ejelgı zaman men osy zamannyŋ syryn şertedı! Dombyranyŋ ünı – qaişylasqan älemnıŋ – jauyzdyq pen meiırım, soǧys pen beibıtşılık, süreŋsızdık pen sūlulyq arasyn jalǧaityn üilesım» degen mazmūnda keremet söz aitty. «Dombyra turaly aitqanymdy estıp menı muzykant dep qalmaŋyzdar. Qazaq halqynyŋ osynau jalpaq dala men jalpaq jahandaǧy ömırsüigış qasietın aitu üşın kielı aspap tıl ūşyna oraldy» dep jinalǧan jūrtty bır serpıltıp tastady. «Ekı ışektıŋ bırın qatty, bırın säl-säl kem būra, Naǧyz qazaq – qazaq emes, naǧyz qazaq – Dombyra» degen Qadyr aqynnyŋ sözı älemdık tūlǧanyŋ auzynan qaita jaŋǧyryp estılgende erekşe küi keşedı ekensıŋ», – dep jazdy Nūrtöre Jüsıp.
Ūqsas jaŋalyqtar
