QR Premer-Ministrı Älihan Smaiylovtyŋ töraǧalyǧymen ötken Ükımet otyrysynda «Sifrlandyru, ǧylym jäne innovasiia esebınen tehnologiialyq serpılıs» ūlttyq jobasyn ıske asyru barysy qaraldy, dep habarlaidy «Adyrna» tılşısı.
Ǧylym jäne joǧary bılım ministrı Saiasat Nūrbek Ūlttyq joba aiasynda ǧylymi ekojüienıŋ bäsekege qabılettılıgın arttyru boiynşa jürgızılıp jatqan jūmystar turaly aityp berdı.
Baiandamaşylardy tyŋdaǧan Premer-Ministr Ūlttyq jobany ıske asyru IT-saladaǧy Jalpy ışkı önımnıŋ ülesın 5%-ǧa deiın ūlǧaityp, qoldanbaly ǧylymi zertteulerdı qarjylandyruda jeke sektordyŋ ülesın kemınde 50%-ǧa arttyruy tiıs ekenın aitty. Sonymen qatar onyŋ aiasynda azamattarǧa äleumettık qoldau aludy jeŋıldetuge mümkındık beretın jobalar puly ıske asyrylyp jatyr.
«Jaqynda pilottyq negızde ıske qosylǧan «Otbasynyŋ sifrlyq kartasy» jobasy osy täsılderdıŋ bırı bolyp tabylady. Būl joba atauly äleumettık kömek aluǧa mūqtajdyq tuuy mümkın 480 myŋnan astam otbasyn jäne zeinetaqy tölemderı men järdemaqy alyp otyrǧan 100 myŋǧa juyq azamatty qamtuǧa mümkındık berdı. Jobany biylǧy jyldyŋ soŋyna deiın paidalanuǧa beru josparlanyp otyr», — dedı Älihan Smaiylov.Onyŋ aituynşa, «Äleumettık ämiian» jüiesın ıske qosu jäne investorlarǧa naqty uaqyt rejimınde mineraldyq resurstardyŋ derekter bankıne erkın qol jetkızuge mümkındık beretın «Kaznedra» platformasyn engızu josparlanyp otyr. Premer-Ministr Ükımet aldynda ǧylymi zertteulerdıŋ nätijelılıgı men ekonomikanyŋ türlı sektorlarynda qoldanyluyn arttyru siiaqty maŋyzdy mındet tūrǧanyn atap öttı. Osy oraida Älihan Smaiylov soŋǧy jyldary ǧylym turaly zaŋnamaǧa bırşama özgerıster engızılgenın jäne ony qarjylandyru 2 esege juyq öskenın aitty.
«Bızge jūmsalǧan qarajattyŋ tiımdı qaitarymy qajet. Otandyq industriia, ǧylymi qoǧamdastyq, universitetter men biznes barynşa özara tyǧyz bailanys ornatuy qajet. Ǧylymi jetıstıkter öndırıske engızılıp, halyqqa naqty paida äkeluı tiıs. Ǧylym ministrlıgı būǧan erekşe nazar audaruy kerek», — dedı Älihan Smaiylov.Būl rette Premer-Ministr bırqatar baǧyttar boiynşa būryn belgılengen josparlar men keibır körsetkışterdıŋ oryndalmai qalǧanyn atap öttı. Pasientterdıŋ densaulyq jaǧdaiyn üzdıksız baqylau jäne proaktivtı medisinalyq qyzmet körsetu üşın eHealth bıryŋǧai ekojüiesın äzırleu jūmystary uaqytyly jürgızılgen joq. Sonymen qatar «Sifrlyq agrokäsıporyn» jäne «Sifrlyq karer» jobalaryn ıske asyru barysynda da sūraqtar bar. Jer men jyljymaityn mülıktıŋ memlekettık kadastryn avtomattandyru jäne ortalyqtandyru räsımı aiaqtalǧan joq.
«Jalpy, internet-qyzmetterdıŋ sapasyna sūraqtar bar. Alystaǧy eldı mekenderdı aitpaǧanda, bızdıŋ ırı qalalarymyzda İnternet bailanystyŋ sapasy barlyq jerde bırdei jaqsy emes. Halyqtan tüsıp jatqan şaǧym köp. Eger İnternet bailanys jaqsy bolmasa sifrlyq platformalardyŋ jäne aqparattyq jüielerdıŋ paidasy joq. Sifrlyq damu ministrlıgı būl mäselenı erekşe baqylauda ūstau kerek», — dedı Älihan Smaiylov.Sondai-aq ol sifrlandyru salasyndaǧy barlyq müddelı memlekettık organdardyŋ jäne ūiymdardyŋ jūmysyn üilestırudı küşeitu qajet ekenın aitty. Söz soŋynda Älihan Smaiylov aqparattyq jüielerdıŋ ısten şyǧuyn azaitatyn jüielı şaralar qabyldaudy, biylǧy jyldyŋ soŋyna deiın «Otbasynyŋ sifrlyq kartasy» jäne «Äleumettık ämiian» jobalarynyŋ tiımdı jūmysyn qamtamasyz etudı, sondai-aq 2023 jyldyŋ soŋyna deiın «Kaznedra» platformasyn ıske qosudy tapsyrdy.
