Qazaqstan Respýblıkasynyń Prezıdenti Ákimshiligi basshysynyń orynbasary Erjan Jıenbaev Konstıtýııadaǵy túzetýlerge túsindirme berdi, dep habarlaıdy «Adyrna» tilshisi.
«Bıylǵy 1 qyrkúıekte Memleket basshysy Qasym-Jomart Toqaev Qazaqstan halqyna Joldaýyn jarııalaǵanyn bilesizder.
Ondaǵy mańyzdy saıası bastamalardyń biri – Prezıdenttiń mandatyn qaıta saılaný quqyǵynsyz jeti jyldyq bir merzimmen shekteý.
Májilis depýtattary osyǵan qatysty túzetýlerdi Konstıtýııaǵa engizý máselesin jedeldetýdi usyndy.
Olardyń paıymdaýynsha, jańa normalardy prezıdent saılaýyna deıin qabyldaǵan jón. Áıtpese, Konstıtýııanyń qazirgi erejeleri boıynsha osy kúzde Prezıdent bolyp saılanatyn adamǵa jeti jyldyq merzimge qaıta saılanýǵa múmkindik beretin zańdy jaǵdaılar týyndaýy múmkin.
Memleket basshysynyń bastamalaryn júzege asyrý úshin Konstıtýııaǵa túzetýler engizý qajet. Osyǵan baılanysty, Májilis depýtattarynyń usynysymen tıisti Zań jobasy ázirlendi.
Zań jobasynda Prezıdent ókilettiginiń jeti jyldyq merzimi týraly jáne onyń bir retten artyq saılana almaıtyny jónindegi normalardy keıin ózgertýge jol bermeıtin ereje engizý de kózdelgen.
Bir adamnyń bir ret qana saılanatyny týraly norma Konstıtýııaǵa engiziletin túzetý kúshine engennen keıingi prezıdent saılaýynda Memleket basshysy bolyp saılanatyn adamdarǵa qoldanylatyn bolady.
Konstıtýııaǵa túzetýler aldaǵy saılaýǵa jáne Prezıdent jeti jyldyq merzimge saılanǵanǵa deıin qabyldansa, osy joly Prezıdent atanatyn azamat úshin jáne odan keıingi barlyq Memleket basshylary úshin prezıdent saılaýyna qaıta qatysý múmkindigi zańmen shekteledi.
Prezıdent ókilettiginiń jeti jyldyq merzimi belgilenýine baılanysty osy zań jobasynda Konstıtýııalyq Sot sýdıalarynyń qyzmet merzimin alty jyldan segiz jylǵa uzartý usynyldy. Olar da bul laýazymǵa qaıta taǵaıyndalmaıtyn bolady»,—dedi ol.
Aıtýynsha, álemniń kóptegen memleketterinde Konstıtýııalyq Sot sýdıalarynyń ókilettik merzimi olardy taǵaıyndaıtyn tulǵalardyń, ıaǵnı Prezıdenttiń jáne Parlament depýtattarynyń ókilettik merziminen uzaǵyraq bolady.
«Konstıtýııalyq Sot sýdıalarynyń ókilettik merzimi olardyń túrli saıası kúshterdiń yqpalynan táýelsiz bolýyna basty kepildik bolyp sanalady.
Konstıtýııalyq Sot 2023 jylǵy 1 qańtardan bastap jumys isteı bastaıdy. Sondyqtan, onyń sýdıalarynyń ókilettik merzimin ulǵaıtý týraly sheshimdi qazirden-aq qabyldaǵan mańyzdy bolmaq.
Ata zańymyzdyń 91-babynyń 3-tarmaǵyna sáıkes zań jobasy Konstıtýııalyq Keńeske joldandy.
Keńes Negizgi zańǵa engizilgeli otyrǵan túzetýlerdiń Konstıtýııanyń 91-babynyń 2-tarmaǵynda belgilengen talaptarǵa sáıkestigine qorytyndy beredi»,—dedi Erjan Jıenbaev.
