Búgin Almaty qalasynda «Toqaevtyń reformalary úshin» jańa qozǵalysynyń baspasóz konferenııasy ótti. Qoǵamdyq qozǵalysty qurý jónindegi bastamay belgili qoǵam jáne saıası qaıratkerler, ǵylymı jáne shyǵarmashylyq zııaly qaýym men bıznes-qoǵamdastyq ókilderi, mádenıet jáne sport qaıratkerleri, sondaı- aq qoǵamdyq uıymdardyń kóshbasshylary kóterdi. Olardyń qatarynda Mereke Qulkenov, Raıymbek Batalov, Aqberen Elgezek, Sergeı Ponomarev, Beknur Qısyqov, Dáýren Qýat, Dáýletkereı Kápuly, Ádil Ahmetov, Nazgúl Qarabalına, Marat Shıbutov jáne t.b. bar.
Birlestik qurýdyń basty ıdeıasy Memleket basshysynyń reformalaryn qoǵamdyq qoldaý men olardy iske asyrýǵa qajetti jaǵdaı jasaý.
«Jalpy, 2019 jyly bastalǵan Prezıdent reformalary kezeń- kezeńimen júzege asyp keledi. «Qaıǵyly qańtar oqıǵasynan» keıin qoǵamdy demokratııalandyrý men lıberaldandyrý proessteri qarqyndy júrýde. Sondyqtan biz azamattyq qoǵam osy ózgeristerdiń bel ortasyna tabylýy qajet dep sanaımyz. Bizdiń qozǵalys úgit-nasıhat úshin emes, proesterge qatysý úshin qurylǵan. Biz qazir reformalardy qoldap, osy mańyzdy kezeńdi sońyna deıin jetkizýimiz kerek», - dep atap ótti Qazaqstan Jazýshylar Odaǵy tóraǵasynyń birinshi orynbasary, aqyn Aqberen Elgezek.
Qozǵalysty qurýshylar partııalyq doda alańyn lıberaldandyryp, memlekettik apparattyń kadrlyq quramyn jetildirýge jáne t.b. baǵyttalǵan saıası jańǵyrý - demokratııalyq proesterdi jandandyryp, azamattyq qoǵamdy durys baǵytta saıasılandyrdy dedi.
«Qazaqstanda qazir saıası partııalardy qurǵan jáne qurýǵa daıyn, tirkelý ústindegi, saılaý naýqandaryna qatysý jospary bar, bılik úshin kúresý isine shyndap kirisip júrgen adamdar men birlestikter paıda bolýda. Prezıdent búginde barlyq partııalardan ózin shettedi. Sondyqtan reformalardy qoldaýǵa arnalǵan qoǵamdyq qozǵalys qurý isin biz reformalarǵa qatysý úshin neǵurlym tıimdi ári yńǵaıly uıym dep sanadyq. Bizdiń qatarymyzǵa nıet bildirgen barlyq azamat qosyla alady. Qazaqstandaǵy ózgeristerdi jaqtaıtyn adamdar sany basym bolady dep senemiz», - dedi bastamashyl top ókilderi.
Qozǵalys músheleri árbir qazaqstandyqtyń reformalardyń oıdaǵydaı iske asýyna múddeli ekenin, sebebi onyń árbir kezeńin iske asyrǵan saıyn qarapaıym el azamattarynyń ál-aýqaty men ómir súrý deńgeıi kóterile túsetinin atap ótti.
«Kúni keshegi Joldaýda Prezıdent óskeleń urpaqty qoldaýǵa baǵyttalǵan áleýmettik-ekonomıkalyq sıpattaǵy birqatar sharalardy jarııalady. Atap aıtqanda, bala týǵanda tólenetin járdemaqy merzimin uzartý, Ulttyq qor tabysynyń bir bóligin barshy qazaqstandyq balalardyń ıgiligine jumsaý, «Samuryq-Qazynanyń» taza tabysynyń 7%- yn «Qazaqstan halqy» Qoryna aýdarý jáne t.b. Bul qanshama jyldan beri elimizdiń árbir azamaty endi ǵana naqty sezingen keleshek urpaq ıgiligine arnalǵan ınvestıııa. Bul bastamanyń alǵashynda halyq arasynda biraz ábiger týdyrǵany belgili. Osynyń negizinde halyq qazir osy bastamalardyń barlyǵynyń naqty iske asqanyn qalaıdy. Sondyqtan biz osylardy aıaǵyna deıin jetkizý úshin Memleket basshysyna múmkindik berip, jan-jaqty qoldaý kórsetetin bolamyz», - dep atap ótti qozǵalysqa qatysýshylar.
