Bolgariiada ötken prezident sailauynyŋ bırınşı kezeŋınde kandidattardyŋ eşqaisysy jeŋıske jetu üşın qajet absoliuttı köpşılık dauysqa ie bolmady. Būl turaly DW jazdy, dep habarlaidy «Adyrna» tılşısı.
Eldıŋ Ortalyq sailau komissiiasynyŋ mälımetınşe, biulletenderdıŋ 95,3 paiyzy öŋdelgennen keiın qazırgı memleket basşysy İliiana Iotova 34,6 paiyz dauys jinaǧan. Al Batys elderımen yntymaqtastyqty qoldaityn būrynǧy premer-ministr Andrei Giurov 32 paiyz dauyspen ekınşı orynda tūr.
Sailauşylardyŋ qatysu körsetkışı nebärı 22,2 paiyz bolǧan. Būl 50 paiyzdan asatyn mejeden aitarlyqtai tömen. Sailaudyŋ ekınşı kezeŋı 1 qaraşada ötuı mümkın.
Aldaǧy ekınşı kezeŋnıŋ syrtqy saiasi maŋyzyn Bolgariianyŋ Ukrainadaǧy soǧys jürıp jatqan aimaqqa jaqyn ornalasuy arttyra tüspek. Tek qazan aiynyŋ özınde Qara teŋızdegı Bolgariia jaǧalauyna jaqyn jerde tört sauda kemesıne drondar şabuyl jasaǧan boluy mümkın. Sonymen qatar Sofiia maŋynda qasaqana ört qoiu saldarynan Starlink stansiiasy zaqymdanǧan.
İliiana Iotova men Rumen Radev bastaǧan Bolgariia ükımetı būl oqiǧalarǧa ūstamdy reaksiia bıldırıp, naqty baǧa bermedı ärı kınälılerdı atamady. Būl jaǧdailar da sailau nauqanynyŋ barysyna äser etken.
Prezidenttık nauqannyŋ bastapqy kezeŋınde mitingıler sirek ötıp, teledebattar ūiymdastyrylmady. Al negızgı ekı kandidat bır-bırıne qatysty jeke sipattaǧy aiyptaulardy jiı aitqan. Alaida soŋǧy aptalarda ümıtkerlerdıŋ Ukrainaǧa qoldau körsetu mäselesındegı ūstanymdarynyŋ aiyrmaşylyǧy aldyŋǧy orynǧa şyqqan.
Iotova soǧysty diplomatiialyq jolmen aiaqtaudy qoldaidy. Ol sailauşylardy Bolgariia äskeri qyzmetkerlerınıŋ Ukrainaǧa jıberılmeitınıne sendıruge tyrysqan. Degenmen, būl mäsele qoǧamda keŋınen talqylanǧan joq.
Al Giurov būǧan deiın Ukrainany qoldaitynyn bıldırgen. Atap aitqanda, ükımettı basqarǧan kezeŋınde Kievpen qauıpsızdık salasyndaǧy yntymaqtastyq turaly kelısımge qol qoiǧan.
Bolgariia prezidentınıŋ ökılettıgı resmi türde şekteulı bolǧanymen, būl qyzmettı atqaratyn saiasatker eldı halyqaralyq arenada tanystyrady. Keibır erekşelıkterdı qospaǧanda, ol memlekettıŋ atynan ökıldık etedı jäne qaruly küşterdıŋ Joǧarǧy bas qolbasşysy bolyp sanalady.
Sonymen qatar prezident bas prokuror men joǧary sottardyŋ basşylaryn taǧaiyndau turaly jarlyqtarǧa qol qoiady, Konstitusiiada belgılengen şekteulı tūlǧalar tızımınen uaqytşa premer-ministrdı taǧaiyndaidy jäne parlament qabyldaǧan zaŋdarǧa veto qoiu qūqyǧyna ie.
