Qazaqstannyŋ eks-premer-ministrı Qajygeldin Toqaevtyŋ ştattan tys keŋesşısı bolyp taǧaiyndaldy. Būl turaly «DALA INCIDE» telegram-arnasy habarlaidy, dep jazady "Adyrna" ūlttyq portaly.
"Toqaev Qajygeldindı qajetke jaratuda! Äkejan prezidenttıŋ ştattan tys keŋesşısı bolyp alǧan. Jaŋa Qazaqstan Nazarbaevtyŋ qarsylastarymen tıl tabysa bastady. Äigılı Äkejan Qajygeldin bırtalai uaqyttan berı Prezidentke uäzırlık etude. Toqaevtyŋ eks-premerge arqa süieuı tegın emes. Äkejan Nazarbaev äuletınıŋ osal tūsyn jaqsy bıledı. Otbasynyŋ Batys bankterındegı jinaqtary, offşordaǧy kapitaly, jyljymaityn mülkı turaly talai jyldan berı tynbai tergeu jürgızgen Qajygeldin qoldaǧy qūndy mälımettı jūrtqa jariia etuge äzır. Nazarbaev klanynyŋ aqparattyq şabuylyna tötep beru üşın Toqaev eks-prezidenttıŋ opponentterımen ymyrlasqan syŋaily", - delıngen habarlamada.Atalmyş aqparat agenttıgınıŋ habarlauynşa, memleket basşysy eskı jüienıŋ oŋailyqpen berıle salmasyn jete tüsınedı.
Nazarbaevtyŋ kesırınen qiyr qonyp, şet jailap jürgen oppozisiia Toqaevtyŋ tapqyrlyǧy men tabandylyǧyna tänttı. Onyŋ oraşolaq şeşım qabyldamasyna közı jetken. Tüptep kelgende Qazaqstannyŋ qazırgı prezidentı men şettegı oppozisiianyŋ ortaq jauy - Nazarbaev klany. Al Qajygeldin qanşa jerden oppozisiia bolǧanymen Toqaevqa tıl tigızgen emes. Kerısınşe, prezidenttıŋ Jaŋa Qazaqstan ornatuǧa alǧyşart bolǧan bırqatar ideialarynyŋ bastauynda Qajygeldinnıŋ qoltaŋbasy jatqandai körınedı.Mäselen osydan byltyr dalanews.kz saitynda jariialaǧan maqalasynda Qajygeldin eskı jüie qiraǧannan keiın Ūlttyq qūryltai ötkızudı ūsynǧan.
"Toqaev qolyndaǧy bilıktı paidalanyp Ūlttyq qūryltai şaqyruy qajet. Osy qūryltaida jaŋa Konstitusiia men jaŋa saiasi qūrylymdardy jasaqtauǧa jol aşyluy tiıs", - degen edı Äkejan myrza.Qūryltai nätijesınde marqūm Rahat Älievtıŋ nūsqauymen sottalǧan azamattar jäne saiasi tūtqyndar türmeden bosauy kerektıgın aitqan. Ūlttyq qūryltaidyŋ dürıldep ötkenınen habardarsyzdar... Jaŋa Konstitusiia qabyldau turaly da ūsynys ta Qandy Qaŋtarǧa deiın Qajygeldinnıŋ auzymen aitylǧan edı.
"Toqaev tarihta jaqsy atpen qalǧysy keledı! Mūnyŋ bır joly jaŋa Konstitusiia qabyldau. Jalpyhalyqtyq referendum ötkızu. Ata zaŋnyŋ jaŋa nūsqasyn halyq talqysyna salyp, sonyŋ negızınde bilıktı halyqqa qaitarsa abyroiyn saqtap qalady. Osynyŋ aiasynda Nazarbaev äuletıne de kepıldık berıledı. Jaŋa qūjatta kezekten tys prezident sailauyn ädıl ötkızu zaŋmen bekıtulı tiıs”, – degen-tūǧyn eks-premer.Özderıŋız bıletındei, Ata zaŋǧa özgerıs endı. Biyl kezekten tys prezident sailauy ötedı...
Qazaqstannyŋ parlamenttık respublikaǧa auysatynyn da şym-şymdap jetkızgen Qajygeldin edı. "Parlament eskı jüie ökılderınıŋ şeteldegı esep-şotynda jatqan qisapsyz qarajatty elge qaitaru üşın küresedı. El bailyǧyn är tūrǧynǧa ädıl bölıp beredı", – deidı Äkejan myrza.
"Adyrna" ūlttyq portaly
