Almaty qalasyndaǧy meşıtterdıŋ bırınde bolǧan qylmystyŋ betı aşyldy, dep habarlaidy "Adyrna" tılşısı.
Meşıttegı ūrlyqty qalanyŋ Äuezov audanynyŋ poliseilerı aşqan.
Tūrǧylyqty jerı joq 42 jastaǧa azamat, namaz oqu kezınde telefon ūrlaǧan.
"V. esımdı azamattyŋ ūrlyq jasap jatqan jerı beinebaqylau kameralaryna tüsıp qalǧan. Zardap şeguşınıŋ aituynşa, qaladaǧy meşıtterdıŋ bırınde, namaz oqu kezınde telefonyn edenge, aiaǧynyŋ astyna qoiǧan. Namazdan keiın zatynyŋ joǧalǧanyn baiqady. Sol künı-aq küdıktı anyqtaldy jäne ūstaldy. Ūrlanǧan IPhone ūrynyŋ özımen bırge boldy. Ūstalǧan azamat ūrlyqqa qatysy baryn joqqa şyǧarmaidy, ol öz kınäsın moiyndap, ıstegen ısıne ökınetının aityp otyr. Būl derek QR QK-nıŋ 188-baby 1-bölıgı (Ūrlyq) boiynşa sotqa deiıngı tergeudıŋ bıryŋǧai tızılımıne tırkeldı", – dedı Äuezov audany PB qarasty polisiia bölımınıŋ basşysy Elnūr Qūdretbaev.
Ūqsas jaŋalyqtar
