QR Tótenshe jaǵdaılar mınıstrligi Qostanaı oblysyndaǵy qazirgi ahýalǵa qatysty sońǵy málimetterdi jarııalady, dep jazady "Adyrna" ulttyq portaly
6 qyrkúıektegi saǵat 08.00 boıynsha jedel aqparatqa sáı eldi-mekenderge qaýip tónip turǵan joq.
«Jalyndap janyp jatqan ýchaskeler joq, qaldyq ot oshaqtaryn sóndirý jumystary júrgizilip jatyr. Árbir eldimekende (Amanqaraǵaı, Lesnoe, Ozernoe, Baǵanaly jáne Kalınıno aýyldary aýdanynda) qaraýyldaý uıymdastyryldy. Jeńil jaýynnyń arqasynda aýa ylǵaldyǵy kúsheıdi. Saǵat 7:30 bastap órt aýmaǵyna ushý jumystary júrgizilip jatyr», - delingen TJM habarlamasynda.
Órtten barlyǵy 91 turǵyn úı zardap shekti: 85 Amanqaraǵaı aýylynda jáne 6 Ozernyı aýylynda ornalasqan.
Órtti sóndirýge quramynda 224 birlik tehnıka, 6 áýe kemesi, 5 órt sóndirý poıyzy, jeke quramnyń 2193 adamy bar TJM, IIM, UU, Qorǵanysmıni, JAO jáne oblystyń kommýnaldyq qyzmetteriniń kúshteri men quraldary jumyldyryldy.
«11 adam (halyqtyń 6 adamy, onyń ishinde bir kámeletke tolmaǵan adam, orman sharýashylyǵynyń 1 qyzmetkeri, ákimdiktiń 1 qyzmetkeri, TJM 3 qyzmetkeri) jeńil jáne ortasha aýyrlyqtaǵy jaraqat alyp, kúıik shaldy, sondaı-aq ýlanyp qalǵandar bar, 1935 jyly týǵan bir adam qaza tapty», - delingen habarlamada.
Aıta keteıik, 4 qyrkúıekte órt aýmaǵy 43 myń gektardan asty, orman sharýashylyǵynyń jalpy aýdany - 107 257 ga. TJM jedel jelisi jumys isteıdi, TJM men Qostanaı oblysynyń TJD psıhologtarynyń jumysy uıymdastyryldy. TJM jedel jelisine aqparattyq sıpattaǵy 37 qońyraý kelip túsken. Áýlıekól aýdanynyń evakopýnktinde jeti psıholog shuǵyl psıhologııalyq kómek kórsetedi. 57 adamǵa konsýltatıvtik kómek kórsetildi jáne toptyq jumys formatymen 45 bala qamtyldy. Órt sóndirý jumystary jalǵasyp jatyr.
"Adyrna" ulttyq portaly
