Batys Qazaqstanda dalalyq jer örtenıp jatyr, dep habarlaidy "Adyrna" ūlttyq portaly. Būl turaly BQO TJ departamentınıŋ baspasöz qyzmetı habarlady.
Oqiǧa 5 qyrküiek künı saǧat 09.40-ta Syrym audany Josaly auyldyq okrugınde tırkeldı. «Qoŋyr auylynan 15 şaqyrym jerde şamamen 800 gektar alqapta qūrǧaq şöp örtendı. «Tılsız jaudy» auyzdyqtauǧa bastapqyda №18 ört söndıru bölımı men tötenşe jaǧdai bölımı (10 qyzmetker, 1 tehnika) jäne erıktı ört söndıruşıler qūrylymy (35 adam, 12 tehnika) jūmyldyryldy. Sonymen qatar Şyŋǧyrlau audany men Oral qalasynan kömek kelıp jettı. Örttı söndıruge jyldamdyǧy sekundyna 15 metrge deiın jetken jel kedergı boluda. Qazırgı kezde TJD (33 qyzmetker, 6 tehnika), «Oral ört söndıruşı» JŞS (5 adam, 1 tehnika), erıktı ört söndıruşıler qūrylymy (50 adam, 16 tehnika), orman şaruaşylyǧy (1 adam, 1 tehnika) küşterı jalynmen arpalysuda», - delıngen habarlamada.
"Adyrna" ūlttyq portaly
