Batys Qazaqstanda dalalyq jer órtenip jatyr, dep habarlaıdy "Adyrna" ulttyq portaly. Bul týraly BQO TJ departamentiniń baspasóz qyzmeti habarlady.
Oqıǵa 5 qyrkúıek kúni saǵat 09.40-ta Syrym aýdany Josaly aýyldyq okrýginde tirkeldi.
«Qońyr aýylynan 15 shaqyrym jerde shamamen 800 gektar alqapta qurǵaq shóp órtendi. «Tilsiz jaýdy» aýyzdyqtaýǵa bastapqyda №18 órt sóndirý bólimi men tótenshe jaǵdaı bólimi (10 qyzmetker, 1 tehnıka) jáne erikti órt sóndirýshiler qurylymy (35 adam, 12 tehnıka) jumyldyryldy. Sonymen qatar Shyńǵyrlaý aýdany men Oral qalasynan kómek kelip jetti. Órtti sóndirýge jyldamdyǵy sekýndyna 15 metrge deıin jetken jel kedergi bolýda. Qazirgi kezde TJD (33 qyzmetker, 6 tehnıka), «Oral órt sóndirýshi» JShS (5 adam, 1 tehnıka), erikti órt sóndirýshiler qurylymy (50 adam, 16 tehnıka), orman sharýashylyǵy (1 adam, 1 tehnıka) kúshteri jalynmen arpalysýda», - delingen habarlamada.
"Adyrna" ulttyq portaly
