Qazaqstannyń bas prokýrory Berik Asylov Twitter-de 2019 jyldan beri aıaqtalǵan sybaılas jemqorlyq isteri boıynsha keltirilgen shyǵyn kólemin atady, - dep habarlaıdy "Adyrna" ulttyq portaly.
«Memleket basshysy Joldaýda jemqorlyqqa jol bergen sheneýnikterden zańsyz jolmen alynǵan qarajatqa mektep salý tetigin ázirleýdi tapsyrdy.
2019 jyldan beri aıaqtalǵan sybaılas jemqorlyq qylmystyq isteri boıynsha keltirilgen shyǵyn kólemi 29 mıllıard teńgeden asty.
Ol prokýrorlarǵa zańsyz jolmen alynǵan qarajat pen múlikti óndirip alýdy qadaǵalaýdy kúsheıtýdi tapsyrdy. Úkimetpen birlese otyryp, Elbasynyń bastamasyn júzege asyrýǵa kirisemiz», - dep jazdy Bas prokýror.
Eske salaıyq, 1 qyrkúıekte prezıdent Qasym-Jomart Toqaev Qazaqstan halqyna Joldaýynda jemqor sheneýnikterden tárkilengen aqsha Qazaqstanda mektep salýǵa jumsalatynyn aıtqan bolatyn.
Sondaı-aq Bas Prokýror Memleket basshysynyń tapsyrmasy boıynsha kelesi jyly 100 myń jas qosymsha jumyspen qamtylatynyn atap ótti. Olarǵa jeńildetilgen nesıe de qoldaý kórsetiledi.
"Bul qadam olardyń áleýmettik-ekonomıkalyq damýyna oń áserin tıgizedi. Statıstıkalyq málimetterge súıensek, qylmystyń 90 paıyzyn jumyssyzdar jasaıdy, sondyqtan bul buıryqtyń oryndalýy eldegi qylmystyq ahýaldy jaqsartatyny sózsiz", - dedi Asylov.
"Adyrna" ulttyq portaly
