28 qyrküiekte Almatyda Ortalyq Aziiadaǧy eŋ ırı söre – Almaty Marathon ötedı. «Bırınşı bolu – batyldyq» korporativtık qory ūiymdastyryp otyrǧan jarys biyl on törtınşı ret Respublika alaŋynan bastalyp, 60-tan astam elden kelgen 16 000 atlettı bırıktıredı. Osy jyly ekı rekord tırkeldı: 1200-den astam şeteldık qonaq qatysqaly otyr, al 42,2 km marafondyq qaşyqtyqqa 1500 adam ötınım berdı.
Respublika alaŋynan bastalǧan jügıru baǧyty äl-Farabi daŋǧyly boiymen sozylyp, qatysuşylar asqar Alataudyŋ äsem beinesın tamaşalai alady. Jol boiynda Tūŋǧyş Prezident saiabaǧy, Botanikalyq baq jäne qalanyŋ tarihi maŋyzy zor basqa da körıktı oryndary ornalasqan. Qatysuşylarǧa bırneşe taŋdau bar: marafon 42,2 km, jartylai marafon 21,1 km, 10 km qaşyqtyq jäne skandinaviialyq jürıs 10 km. Korporativtık komandalar üşın «Ekiden» estafetasy ūiymdastyrylady, onda marafon qaşyqtyǧy alty qatysuşy arasynda bölınedı. Märege jetkenderdıŋ barlyǧyna estelık medal tabystalady, al negızgı qaşyqtyq jeŋımpazdaryna aqşalai sertifikat, medal, madaqtama qaǧazdary jäne baǧaly syilyqtar berıledı.
Almaty Marathon jyl saiyn auqymy men qaiyrymdylyq baǧytyn keŋeitıp keledı. Qor qūrylǧan künnen bastap qatysuşylardyŋ sörelık jarnalarynan tüsken qarjynyŋ bır bölıgı balalarǧa arnalǧan äleumettık jobalarǧa jūmsalyp keledı. Biyl «Bırınşı bolu batyldyq» qory «AYALA» qaiyrymdylyq qorymen bırlesıp, Şymkent pen Türkıstan oblysyndaǧy ekı perinataldyq ortalyqqa jalpy qūny 106 241 284 teŋge bolatyn zamanaui diagnostikalyq jabdyqtar tapsyrdy. 14 jyl ışınde qor 370 million teŋgeden asa qaiyrymdy ıske demeuşı boldy. Olardyŋ maqsatysäbiler arasyndaǧy mügedektık deŋgeiın tömendetu, sportty qoljetımdı etu jäne ūlt densaulyǧyn nyǧaitu. jaŋa qaiyrymdylyq bastamalary turalyūiymdastyruşylar jaqynda jariialaidy.
«Almaty Marathon – Qazaqstandaǧy halyqaralyq AIMS küntızbesıne engen jalǧyz start. Bız üşın būl – sportty barşaǧa jaqyndatudyŋ, eldı älemge tanytudyŋ joly. Biyl bız tarihymyzdaǧy eŋ köp şeteldık qatysuşyny qabyldap otyrmyz».
«Bırınşı bolu – batyldyq» korporativtık qorynyŋ sörelerı» – Qazaqstandaǧy halyqaralyq marafondar men jarystar küntızbesıne (AIMS) küntızbesıne engen jalǧyz söre. AIMS – 115 elden 445 marafondy bırıktıretın qauymdastyq. Almaty Marathon – solardyŋ ışındegı eŋ ırısı ärı qor tarihy osy şaradan bastau alady. Onyŋ maqsaty – sportty būqaraǧa qoljetımdı etu. Būl marafon adamdardy bırıktırıp qana qoimai, turizmdı damytady, biznestı qoldaidy jäne eldıŋ halyqaralyq bedelın arttyrady. Biyl bız rekordtyq körsetkışke jettık – älemnıŋ 60-tan astam elınen 1200-den astam şeteldık qatysyp otyr», - dedı Qordyŋ qamqorşylyq keŋesınıŋ töraǧasy Ǧalymjan Esenov.
Almaty Marathon türkı elderınıŋ TAN seriiasyna kıredı, al onyŋ jarys joldary World Athletics talaptaryna sai sertifikattalǧan. Marafon ekologiialyq standarttarǧa da nazar audarady: bır rettık qūrylymdardy azaityp, qaldyqty qaita öŋdeu üşın jergılıktı kompaniialarmen ärıptestık ornatqan. EcoNetWork serıktestıgı interaktivtı ekologiialyq aimaq ornatady. Qatysuşylar sörede qajetsız jyly kiımderın arnaiy orynǧa qaldyra alady, keiın «Jylu» jobasynyŋ erıktılerı olardy sūryptap, mūqtaj jandarǧa ülestıredı. Qala tūrǧyndary da būl qaiyrymdy ıske Botanikalyq baqtyŋ kıreberısıne qoiylǧan arnaiy jäşık arqyly atsalysa alady.
«Almaty Marathon bırneşe jyldan berı inkliuzivtılıgımen, ūiymdastyru sapasymen jäne auqymymen köş bastap keledı. Bız sporttyq şara ötkızumen ǧana şektelmeimız, adamdardy sanaly türde sportpen şūǧyldanuǧa baulimyz. Jyl boiy A’SU Team by Almaty Marathon tegın jattyǧulary ötedı, qysta 42,2 km qaşyqtyqqa tırkelgender üşın aşyq top jūmys ısteidı. Biyl bız Community Almaty Run atty aptasaiynǧy kezdesulerdı bastady, onda bırge jügıremız, därıster tyŋdaimyz, ekologiiadan bastap sportqa deiıngı türlı taqyryptardy talqylaimyz. Marafon käsıbi sportşylar üşın de, äuesqoilar üşın de aşyq, qoǧamdaǧy oŋ özgerısterge yqpal etedı», - dedı Qordyŋ atqaruşy direktory Saltanat Qazybaeva.
Qatysuşylardyŋ qauıpsızdıgın Almaty qalasy Polisiia departamentınıŋ ökılderı, bas därıger jäne ūiymdastyru toby qamtamasyz etedı. Barlyq qaşyqtyq boiynda 10 velomedik, 90 medisinalyq erıktı, 13 medisinalyq beketjäne 12 jedel järdem kölıgı qyzmet körsetedı. Söre-märede «qyzyl» jäne «sary» aimaqtarǧa bölıngen märelık gospital jūmys ısteidı. Jalpy 70-ten astam därıger men medisina qyzmetkerlerı jūmyldyrylady.
Qatysuşylardyŋ jailylyǧy üşın jarys boiynda tamaq pen su beketterı, zat saqtaityn oryndar jäne kiım auystyratyn bölmeler ūiymdastyrylady. Biyl alǧaş ret ana men balaǧa arnalǧan bölme, äielderge arnalǧan tolyq jabdyqtalǧan sanitarlyq toraptar jäne erekşe qajettılıgı bar adamdarǧa arnalǧan äjethanalar bolady.
Qatysuşy bolsa da, janküier bolsa da, būl marafon ärkımge qyzyqty ärı jaily uaqyt ötkızuge mümkındık beredı.
