Jýrnalıst Baqtııar Taıjan synnyń astynda qalǵan Bekbolat Tileýhanǵa arasha túsip, dosyna túsinistikpen qaraýǵa shaqyrdy. Bul týraly "Adyrna" ulttyq portaly jazady.
"Bekbolat Tileýhanov ekeýimiz bir topyraqtyń túlegimiz. Sákendeı nur dıdarly azamatty dúnıege ákelgen aımaqta, «Jańaarqa - balýandar men ánshilerdiń eli» degen qanatty sóz bar. Sonaý sekseninshi jyldary alaqandaı Jańaarqa Qazaqstannyń sambo, qazaqsha kúres quramasyn teń túserdeı halde edi. Jeńilmeıtin. Al, ánshileri beriden tartqanda Igilik Omarov, Qaırat Baıbosynov, barda ánshilerdiń kýmırine aınalǵan Qorabaı Esenov, solardyń izin basqan, Qaztýǵan, Aqtamberdi Shalkıizderderdiń jyrynan qozǵaǵanda jalań qylyshpen atqa mingizip jibere jazdaıtyn Bekbolat Tileýhanov. Aty erte shyqty. Erte eseıdi. Ulystyń sózin qaı synda da qaıyspaı sóıleıtin qaıtpas qaıratkerine aınaldy. Ótkende mereıtoıymda Akademııalyq Innovaııalyq Ýnıversıtettiń quryltaıshysy, professor, Qazaqstanǵa eńbegi sińgen jattyqtyrýshy Jahan Ońalbekov «Baqtııar, adamdardyń tek jaqsy jaǵyn kóredi» depti. Momyn, adal áke-sheshemizden juqqan qasıet bolar, shyndyǵy osy. Maǵan jurttyń birazy kústanalap jatqan Bekbolattyń «kúmándi» jaqtary emes ultqa jasaǵan jaqsylyqtary ábden jaqyn. Dúmbilezdeý, orysqoldy Bilim Mınıstri «Álippeni» oqý páninen alastap jatqanda Parlamentte shybyn janyn shyrqyratyp qaıtaryp alǵan atadan er bolyp týǵan Bekbolatyń emes pa edi bul?! Qazaq óz jerinde azshylyq boldy. Úni qumyǵa berdi. Alystaǵy aǵaıynnyń kóshi toqtaýǵa aınalǵanda Aqtamberdiniń uranyna basyp, memlekettiń esin jıǵyzǵan, jarty esti mınıstrlerdiń apshysyn qýyrǵan, kóshti ornynan qozǵaǵan Bekbolatyń emes pe bul?!",- dep jazdy Baqtııar Taıjan óziniń feısbýk paraqshasynda.
Jýrnalısttiń aıtýynsha, Bekbolat Tileýhan ult múddesin satatyn azamat emes.
"Ońtústik Qazaqstan - keńes ımperııasynyń tisi batpaǵan jer. Soltústik, Ortalyqty orysqa aınaldyrýǵa shaq qalǵanda qazaǵy mol, salt-dástúrin saqtap qalǵan Ońtústik ıleýine kóne qoımady. Imperııanyń Ońtústikti jerge urǵan saıasatyn bizdiń kóp aǵaıyn áli de shyńdyq dep bilip, Shymkent dese ejireıip shyǵa keledi. «Apyr-aý, eldi el qylǵan han, tóre, bı, sultan, batyr, baı baǵylandaryńnyń deni Ońtústikte máńgi damyldap jatyr. Arǵysyn bylaı qoıǵanda qazaq rýhanııatynyń sardary Ózbekáli Jánibekov, berisi Oktıabr Jarylqapov, Ábdisalan Nurmahanov, Bekzat Sattarhanov pen Muhtarhan Dildabekovti jaqsy kóresińder de, olardy dúnıege ákelgen Ońtústikti qalaı jaman kóresińder dep ulttyń esin jıdyrǵan Bekbolattyń emes pe bul?! Aıtsa aıtar kep kóp qoı. Keıingi kezderi Bekbolatty synap-mineýshilerdiń kóbeıgeni qorqytady. Ánebireý, búginde búkil álemge qazaqsha án saldyryp qoıǵan Dımashty eldegi konkýrsta qulatyp «osy qatyndaýysty, shyńǵyryp án aıtatyn ánshilerden qorqamyn» dep uly jańalyq ashqan, jaý joqta attandap, jaý ketkende qylyshyn boqqa uratyn aıtys aqyny «Bekbolat qańtar oqıǵasyn bildi, qashyp ketti» dep júr. Sol Bekbolat jeltoqsanda qyzmet aýystyrǵanyn, Túrkııada bolatynyn aıtpap pa edi. Ashyǵy tek Allaǵa aıan. Qańtarda qaıda boldyq. Tyǵylyp úıde jattyq. Búginde «qańtarda qaıda boldyń?» dep árkimge suq saýsaǵyn bezeıtin ásirepatrıottar da sol qyrǵynda eshbiri tóbe kórsetip, halyq ortasynda júrmegenin kórdik qoı. Bekbolattyń advokaty emespin. Sonaý mektepte júrip syılaǵan syralǵy dos, ult sózin sóılegen jaqsy inini júndeı tútip jatqan soń aýlaǵyraq tura almadyq. Ras, Bekbolat kemshiliksiz emes. Ondaıdan eshqaısymyz quralaqan emespiz. Ulyq Alla ǵana kemshiliksiz. Biraq, qansha jerge ursaq ta Bekbolat ult múddesin satatyn azamat emes edi. Túsinistikpen qaraıyq. Ardaqtylarymyzdy keneýsiz qyrǵan zulmat zamany emes. Parlamentke Sherhan Murtaza, Amangeldi Aıtaly, Muhtar Shahanovtan keıin ulttyq rýh ákelgen, qazaq máselesine kelgende shovınısterge qasqaıyp qarsy turǵan qarǵa boıdy Qaztýǵanymyzdy qadirleı bileıik. Osy edi aıtpaǵym. Barymyzdy baǵalaıyqshy. «Baǵalaı bilgenge baq qonady, qýana bilgenge qut qonady» dep abyz Ábish aǵa aıtpap pa edi", - deıdi ol.
"Adyrna" ulttyq portaly
