Memleket basshysy Qasym-Jomart Toqaev Jánibek Álimhanulyna quttyqtaý jedelhatyn joldady, - dep habarlaıdy "Adyrna" tilshisi Aqordanyń saıtyna silteme jasap.
Qasym-Jomart Toqaev boksshyny WBO tujyrymy boıynsha álem chempıony ataǵyn alýymen quttyqtady.
Elbasy Jánibek Álimhanulynyń ulttyq boks mektebiniń bedelin kóterýge qosqan úlesin joǵary baǵalap, kóptegen boksshylarymyzdyń álemdik rıngte sátti óner kórsetip júrgenin atap ótti.
"Eńbekqorlyǵyńyz ben tabandylyǵyńyzdyń arqasynda siz bokstaǵy qazaqy stıldiń artyqshylyǵyn taǵy bir márte kórsettińiz. Bul kórnekti jetistik jastarymyzdyń sportqa, ásirese boksqa degen qyzyǵýshylyǵyn arttyratynyna senimdimin. Úlken sporttaǵy ár qadamyńyz jas qazaqstandyqtar úshin jarqyn úlgi. Sizge zor densaýlyq, otbasyńyzǵa amandyq jáne jańa sporttyq jetistikter tileımin!» – delingen Memleket basshysynyń jedelhatynda.
Eske salaıyq, orta salmaqtaǵy qazaqstandyq Jánibek Álimhanuly WBO (Dúnıejúzilik boks uıymy) nusqasy boıynsha resmı túrde álem chempıony dep tanyldy.
