Belgisiz er adam Almaty aýdandyq jáne qalalyq sottarynyń, sondaı-aq Almaty oblysy oblystyq sotynyń jáne Taldyqorǵandaǵy mamandandyrylǵan aýdanaralyq ákimshilik sotynyń elektrondyq poshtasyna bomba qoıylǵany týraly hat joldady, dep habarlaıdy "Adyrna" tilshisi Polisia.kz saıtyna silteme jasap.
Ol bılikke bopsalaý sharttaryn qoıǵan. Dál qazir tekserý jumystary júrgizilip, aqparattyń jalǵan ekendigi anyqtaldy. Jedel izdestirý toby iske kiriskeni málimdeldi.
Ótken jylmen salystyrǵanda mundaı habarlamalar boıynsha 68%-ǵa kóp qylmystyq is qozǵaldy. 101 istiń tek 12-sinde ǵana qylmys quramynyń bolmaýyna baılanysty is toqtatyldy.
Jyl basynan beri "mınalaý" úshin 11 adam sottaldy, onyń 6-y - bas bostandyǵynan aıyryldy.
Keıbir jaǵdaılarda "bombalaýshylar" shetelden bolyp keledi.
Sheteldik seriktesterden málimetterdi QR Bas prokýratýrasy arqyly alýyna qaraı shet elderdiń quqyq qorǵaý organdaryna halyqaralyq tergeý tapsyrmalary iske asyrylady. Mundaı tapsyrmalar Reseı, Shveıarııa, Malaızııa jáne Ýkraınaǵa jiberildi.
"Adyrna" ulttyq portaly
