Tarazda esirtkini jasyrý oryndary joıyldy

1942
Adyrna.kz Telegram

Jambyl oblysy PD Esirtki qylmysyna qarsy is-qımyl basqarmasynyń qyzmetkerlerimen Taraz qalasynda esirtki taratqan 25 jáne 19 jastaǵy eki jergilikti turǵyn ustaldy.

Tintý júrgizý barysynda kúdiktilerden taratýǵa daıyndalǵan, 15 túıinshekke oralǵan mefedron tárkilendi. Olardyń áleýmettik jelidegi jazbalaryn zerdeleý barysynda ustalǵanǵa deıin esirtkini jasyrǵany anyqtaldy. Polıeıler esirtkiniń ary qaraı taralmaýy úshin jasyrylǵan oryndardy taýyp, joıý boıynsha shuǵyl sharalar qabyldady.

“Klıenttermen” hat almasýda kórsetilgen oryndar, ıaǵnı Taraz qalasy men qala mańyndaǵy belgiler polıııa qyzmetkerleriniń qyraǵylyǵymen alty saǵattyń ishinde joıyldy. Esirtki jasyrý oryndaryn izdeý tún ortasyna deıin jalǵasty. Nátıjesinde, mefedronnyń 29 jasyrylǵan orny anyqtalyp, aıǵaq zat retinde iske tirkeldi.

Esirtki satýshylardy ustaý nátıjesinde mefedron esirtki zaty salynǵan 44 túıinshek tárkilenip, olardyń jalpy salmaǵy 26 gramdy qurady. Jambyl oblysy PD Esirtki qylmysyna qarsy is-qımyl basqarmasy bastyǵynyń orynbasary Dinmuhambet Qoıtorıevtiń aıtýynsha, 15 jylǵa deıin bas bostandyǵynan aıyrý jazasyn kózdeıtin mefedronnyń asa iri mólsheri bar bolǵany 1 gramdy quraıdy.

Kúdiktiler kinásin moıyndap, Taraz qalasyndaǵy ýaqytsha ustaý ızolıatoryna qamaýǵa alyndy.

Pikirler