Kúz «taǵaıyndaýlar» taqyrybynyń maýsymy

2747
Adyrna.kz Telegram

Kúz kelgeli Aqorda jaqtan Úkimettegi aýys-túıis týraly áńgime jeldeı ese tústi. Saıasattanýshylar san túrli joramal jasap, «taǵaıyndaýlar» taqyrybyn tereńirek qaýzaı bastady. Jýrnalıster de jeldeı esken aqpardy san-saqqa júgirtip, anyq bir ózgeristiń bolatynynan nyqtaı túskendeı. Biz búgin bolýy múmkin ózgeristiń aldyn alyp, az-kem boljam jasaýdy uıǵardyq.

Sonymen, áýelgi áńgimeni Úkimetbasynyń ózinen bastaıyq. Baqytjan Ábdirulynyń Premerlikke barǵanyna úsh kúnnen keıin 2 jyl tolady eken. Bir qaraǵanǵa az da, kóp te ýaqyt emes. Áıtkenmen, osy ýaqytqa deıin berilgen múmkindik óz nátıjesin kórsetýi tıis edi. 19 shilde kúni Elbasynyń jeke qabyldaýynda bolǵan Premer-mınıstr qatań synǵa ilikti. «Barlyq baǵdarlamalar bar bizde. Indýstrııalyq baǵdarlama bar, ınfrastrýktýralyq bar, áleýmettik jaǵynan bar. Biraq, sonyń bárin jergilikti atqarýshy organdar, mınıstrlikter aıaǵyna deıin jetkizbeıdi. Qaǵaz júzinde bizge esep bergen kezde bári bar, halyq «nege Prezıdenttiń aıtqan tapsyrmalary jetpeıdi, kommýnaldyq qyzmettiń baǵasy ósip bara jatyr» dep aıtady. Medıınalyq qyzmet sapasyz dep aıtady. JOO-dardaǵy muǵalimderdiń deńgeıi tómen. Balalardyń bilimi tómen» degen-di sol kezde Memleket basshysy.

Iá, ekonomıkalyq ahýaldyń quldyraýyna úkimet jumysynyń júıesizdigin kinálaıtyndar kóp. Júzi jyly, minezi baısaldy basshyǵa azdaǵan qatqyldyq hám saıası salmaq jetispeıtini jıi aıtylady. Degenmen, Elbasy óz tańdaýyn ózi joqqa shyǵarmaýy múmkin ekenin de eskergen jón. Senim artyp, jaýapkershiligi mol jumysty moıynǵa artqannan keıin, taǵy bir múmkindik berýi yqtımal.

Bul orynǵa kim kelýi múmkin? Joramalshylar Almaty ákimi Baýyrjan Baıbekti laıyq kóredi. Jas ákim keshe ǵana Almaty kóshelerin aralap kórip, qalanyń bas josparyna deıin tanysqan Elbasydan maqtaý sóz estidi. Bul da jańa taǵaıyndaýdyń aldyndaǵy tamyr basýdaı kórinedi. Baıbekti Prezıdent Ákimshiligine basshy bolyp keledi deıtinder de bar.

Ádilbek Jaqsybekov QR Prezıdent Ákimshiliginiń jetekshisi qyzmetinen óz erkimen bosap, QR Prezıdentiniń Is Basqarýshysy laýazymyna oıysady deıdi.

Al, Premer-mınıstrlikke úmitkerler qatarynda Astana qalasynyń ákimi Áset Isekeshov pen Premer-Mınıstriniń birinshi orynbasary Asqar Mamıniń esimi atalady.

Bıliktegi ózgeris Qazaqstannyń Reseıdegi elshisi Imanǵalı Tasmaǵambetovti elge qaıtarýy yqtımal. 2017-niń aqpanynda kórshi elge qonys aýdarǵan bıliktegi asa yqpaldy tulǵalardyń biri qandaı qyzmetti tizgindeıtinin tap basyp aıtý qıyn. Desek te, sońǵy kezde synnyń astynda qalǵan QR Ishki ister mınıstri Qalmuhanbet Qasymovtyń pozıııasy qolaı keletin sekildi.

Birinshiden, mınıstr bul orynda jeti jyldan beri tapjylmaı jumys istep keledi. Keshegi Denıs Tenniń ólimi júıdegi keleńsiz jaıttardyń betin ashyp bergendeı boldy. Bul salaǵa degen qoǵamnyń ókpe-renishi kún ótken saıyn eselep artyp keledi. Ekinshiden, Tasmaǵambetovtiń bilim-biligi, saıası salmaǵy mınıstrlik jumystaryn reformalap, polıeı bedelin qalpyna keltirýge óz áserin bereri anyq.

Imanǵalı Nurǵalıulyn QR Prezıdent Ákimshiliginiń jetekshiligine usynatyndardyń da qatary kóp. Eger saıasatker bul laýazymǵa aýyssa, QR Ishki ister mınıstri bolyp QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev keledi degen boljam bar.

Ulttyq qaýipsizdik komıteti tóraǵasy Kárim Másimovtyń qyzmeti ózgermeıtin sekildi. Óńirlik qaýipsizdikti nyǵaıtý jáne dinı ekstremızm men terrorızmge qarsy kúres júrgizý isindegi qarqyndy jumystar Kárim Qajymqanuly qyzmetin taǵy birneshe jylǵa uzartýy múmkin.

Mınıstrler kabınetindegi aýys-túıis QR Qarjy mınıstri Baqyt Sultanovty, QR ınvestıııalar jáne damý mınıstri Jeńis Qasymbekti, QR Aqparat jáne kommýnıkaııalar mınıstri Dáýren Abaevty ózge orynǵa aýystyrýy múmkin. Túrli aqparat kózderi Dáýren Áskerbekuly Almaty oblysyna  ákim bolsa,  Jeńis Qasymbek Pavlodar oblysyna nemes BQO-na barady deıdi.

2014 jyldan beri QR Mádenıet jáne sport mınıstri qyzmetin atqaryp kele jatqan Arystanbek Muhamedıuly Aqordaǵa aýysyp, Qazaqstan Respýblıkasynyń Memlekettik hatshysy laýazymyna kóterilýi yqtımal.

Onyń ornyna «Astana Opera» teatrynyń dırektory Ǵalym Ahmedıarov nemese  Almaty qalasy ákiminiń orynbasary Arman Qyryqbaev, bolmasa, burynǵy Mádenıet mınıstri, senator Muhtar Abraruly Qul-Muhammed qaıtyp kelýi múmkin.

QR Bilim jáne ǵylym mınıstri, "ásire reformashyl" Erlan Saǵadıev te jyly ornyn sýytýy múmkin. Ár jasaǵan isi syn sadaǵyna iligip, kópshilik qarsylyǵyna ushyraǵan mınıstr qaı mekennen saıa izdeıtini ázir belgisiz.

Bıliktegi bedeldi tulǵalardyń biri Aıda Balaeva Prezıdent Ákimshiliginiń Ishki saıasat bóliminde 4 jylǵa jýyq jemisti qyzmet etip kele jatyr. Kúzdegi aýys-túıis kezinde osy eńbegi eskerilip, Bilim jáne ǵylym mınıstrliginiń tizgini berilýi múmkin.

Al, eger Dáýren Abaev ákim kreslosyna jaıǵassa, eldegi aqparattyq saıasatpen Aıda Ǵalymqyzy aınalysýy da ǵajap emes.

Taǵy bir aıtarlyqtaı jańalyq, 2016 jyly qurylǵan Qorǵanys jáne aeroǵarysh ónerkásibi mınıstrligi óz jumysyn toqtatyp, Qorǵanys mınıstrligine qaıta qosylýy múmkin. Al, mınıstr Beıbit Atamqulov Shyǵys Qazaqstan oblysyna ne Almaty qalasyna ákim bolyp taǵaıyndalýy yqtımal.

Aıtpaqshy, Almaty qalasy ákimdiginen Úkimetbasy Baqytjan Ábdiruly men jaqsy jumystarymen kózge túsken Almaty oblysy ákimi Amandyq Batalov ta úmitti.

Saıasattanýshylardyń aıtýynsha, Qazaqstan Respýblıkasy Prezıdentiniń Is Basqarýshysy Abaı Bısembaev  ta ákim atanýǵa bir taban jaqyn.  Abaı Aıdarhanulyn Almaty qalasy ákimi laýazymynan kórgisi keletinder jeterlik.

Úkimettegi aýys-túıis týraly áńgime shyndyqqa aınalsa, ákimder korpýsy da ózgeristerge ushyraıtyny anyq. Bul rette, zeınet jasyndaǵy Shyǵys Qazaqstan oblysyna ákimi Danıal Ahmetov pen Aqtóbe oblysy ákimi Berdibek Saparbaev senator atanýy múmkin.

Al, Aqtóbe oblysy ákimi bolyp qala ákimi Ispanov Ilııas Saparbekuly nemese Batys Qazaqstan oblysy ákimi Altaı Seıdiruly Kólginov taǵaıyndalýy múmkin.

Árıne, munyń bári boljam ǵana. Naqty saıası ózgeristerdiń sheshimi Aqordanyń quzyrynda. Ult portaly aldaǵy ýaqytta saıasattanýshylar men qoǵam belsendileriniń bul taqyryptaǵy oı-pikirin oqyrman nazaryna usynatyn bolady7

Sherhan Talap.

Ult portaly.

Pikirler