Jambyl oblysynda úzdik shekarashylar marapattaldy

592
Adyrna.kz Telegram

Sonaý 1992 jyly 18 tamyzda «Shekara áskerlerin qurý týraly» Prezıdent jarlyǵyna qol qoıylǵan bolatyn desek, aǵymdaǵy jyly Shekara qyzmetiniń qurylǵanyna 30 jyl tolyp otyr. Osynaý jyldar belesinde elimizdiń shekara qyzmeti nyǵaıyp, jetile tústi. Óziniń 30 jyldyq belesine eleýli jetistiktermen jetken shekarashylar tól merekesin saltanatty is-sharamen atap ótti.

Saltanatty shara Shekara qyzmeti oblys  boıynsha departamentiniń jańa ǵımaratynyń aldynda ótken jıynmen bastaldy. Eldiń shetinde, jeldiń ótinde júrgen sarbazdardy QR Ulttyq qaýipsizdik komıtetiniń Shekara qyzmeti   oblys boıynsha departamentiniń bastyǵy, general-maıor Muhtar Sabıdoldanov, qaýipsizdik komıtetiniń ardageri Nurjan Seńgirbaev, «Jambyl oblysy Aýǵan soǵysy ardagerleri» qoǵamdyq birlestiginiń tóraǵasy Dúkenbaı Ermekbaev quttyqtap, izgi tilekterin bildirdi. Budan keıin jıynǵa qatysýshylar áskerı boryshyn óteý kezinde qaza bolǵan qyzmetkerlerdi eske alyp, beıbit kúnniń batyrlaryna arnalǵan Qurmet taqtaıshasyna gúl shoqtaryn qoıdy.

– Búgin  Shekara qyzmetiniń qurylǵan kúnin atap ótip jatyrmyz. Biz osyndaı is-sharalardyń aldynda eń aldymen qyzmettik mindetin atqarý kezinde sheıit bolǵan áriptesterimizdi eske alamyz. Departamenttiń osy jańa ǵımaraty salynǵanda qaza bolǵandarǵa arnalǵan eskertkish ornatylǵan bolatyn. Taqtaıshada 2012 jyly áýe apatynda qaıtys bolǵan áskerı qyzmetshilerdiń, Taraz, Merki jáne Qordaı shekara jasaqtarynyń komandırleri bolǵan azamattardyń esimderi jazylǵan. Máselen, 2001 jyly kapıtan Qajymuqan Daýyrbaev áýe apatynan qaıtys bolǵan edi. Sodan 20 jyl ótkennen keıin onyń áke jolyn qýǵan ushqysh uly, aǵa leıtenant  Muhtar Saǵymbaev qaıtys boldy. Ákeli-balaly ushqyshtardyń da attary  osynda máńgilik tasqa jazylǵan. Olardyń erlikteri jas urpaqqa úlgi bolyp qala bermek, - deıdi departament bastyǵynyń tárbıelik-ıdeologııalyq jáne kadrlyq jumystar jónindegi orynbasary, polkovnık Saıat Shýbaev.

Shekarashylardyń kásibı merekesine arnalǵan is-shara Asqar Toqpanov atyndaǵy drama teatrynda jalǵasty. El tynyshtyǵyn saqtap, kúndiz-túni kúzette turǵan, Otany men eliniń shekarasyn saqtap, qorǵaý úshin jaýapkershilikti moınyna alǵan shekarashylardy oblys ákiminiń birinshi orynbasary Nurjan Kalenderov quttyqtady.

– Qurmetti shekarashylar, qymbatty ardagerler! Sizderdi búgingi kásibı merekelerińizben shyn júrekten quttyqtaımyn. El aýmaǵynyń tutastyǵy men qoǵamnyń qaýipsizdigin qamtamasyz etýde sizderge júktelgen jaýapkershilik júgi óte aýyr. Bul mindetti abyroımen atqaryp, Táýelsizdik tuǵyryn bıiktetýge súbeli úles qosyp kelesizder. Shekara qyzmetiniń Jambyl oblysy boıynsha departamenti 2020 jyly sáýirde qurylǵan ýaqyttan bastap ózine júktelgen mindetterdi qyraǵylyqpen jáne abyroımen atqarýda. Shekarashylardy memleket tarapynan qoldaý sharalary da turaqty júrgizilip keledi. Bul baǵytta shekara qyzmetiniń oblystaǵy departamentine bıyl jańa ákimshilik ǵımaraty qoldanysqa berilgenin aıtýǵa bolady. Oblysymyzdyń Qyrǵyz respýblıkasymen memlekettik shekarasynyń uzyndyǵy 719 shaqyrymdy quraıdy. Búgingi tańda 8 baqylaý-ótkizý beketi jáne 4 qosymsha beket jumys atqarady. Osy aýmaqta bóten adamdardyń memlekettik shekaradan zańsyz ótip ketpeýin qamtamasyz etý jumystaryn shekarashylar minsiz atqarýda. Endeshe, elimizdiń aýmaqtyq tutastyǵyn qamtamasyz etýdegi qyzmetterińiz asqaqtaı bersin. Táýelsiz Otanymyzdyń shekarasy berik bolsyn!

      Budan keıin Nurjan Sábıtuly memlekettik shekarany kúzetýdegi áskerı mindetterin úlgili oryndaǵany úshin jáne kásibı merekege oraı ekinshi dárejeli kapıtan Erhat Rafıkov pen maıor Nurjan Qydyrbaevty oblys ákiminiń Qurmet gramotasymen marapattap, serjant Ǵanı Jánibekovke oblys ákiminiń «Alǵys hatyn» tabystady. Al oblystyq máslıhattyń hatshysy Mahmetǵalı Sarybekov bir top úzdik shekarashylarǵa oblystyń Qurmet gramotasyn tapsyrdy.

       Shekarashylardy oblystyń zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi úılestirý keńesiniń tóraǵasy, oblys prokýrory Nurǵalym Ábdirov quttyqtap, izgi tilegin bildirdi. Shekara qyzmeti   oblys boıynsha departamentiniń bastyǵy, general-maıor Muhtar Sabıdoldanov óz salasy boıynsha atqarylyp jatqan jumystarǵa toqtalyp, áskerı mindeti men antyna adal áriptesterine alǵys aıtty. Aldaǵy ýaqytta da memlekettik shekaranyń qaýipsizdigin qamtamasyz etetindikterine senim bildire otyryp, Ulttyq qaýipsizdik komıtetiniń tóraǵasy E. Saǵymbaevtyń buıryǵymen bir top shekarashylardy marapattady. Bul kúni ádilet podpolkovnıgi Qýanysh Bekmanov pen maıor Bek Baımahanov «Shekarany úzdik kúzetkeni úshin» medalin taǵyp, kapıtan Eldos Qadirov baǵaly syılyqqa ıe boldy. Podpolkovnıkter Dilmurad Abdrahmanov, Bektas Oralbekov, Pıdaıat Ýshýrovke, maıorlar Azamat Joldasbaev, Nurjan Qynyrbaevqa, kapıtan Rasýl Slambekovke memlekettik shekara shebin senimdi kúzetý isinde óziniń qyzmettik mindetterin adal atqarǵany úshin Ulttyq qaýipsizdik komıteti tóraǵasynyń Alǵysy jarııalandy. Taǵy bir top shekarashy «Qazaqstan Ulttyq qaýipsizdik komıtetine – 30 jyl» merekelik medaline, UQK tóraǵasynyń orynbasary-Shekara qyzmeti dırektorynyń jáne   oblys boıynsha departament bastyǵynyń «Alǵys hattaryna» ıe boldy. Jalpy bul kúni 11 qyzmetker Ulttyq qaýipsizdik komıteti tóraǵasynyń,  109 qyzmetker Shekara dırektorynyń, al 611 qyzmetker oblystyq departament bastyǵynyń túrli marapatyn ıelendi.

Pikirler
Redakııa tańdaýy