Qazaqtyń kúmis kómeı ánshisi Mádına Eralıeva 2000 jyly qapııada jol apatyna ushyrap, ajal qushqan edi. Ánshiniń aqtyq demi taýsylar sátte ol janynda bolǵan adamdarǵa «qararsyńdar» dep, sońǵy sózin aıtqan.
Eralıevanyń sońǵy sózi neni ańǵartýy múmkin ekenindigi kópshilikti tolǵandyrǵan. Aqyry ánshi jalǵyz uly Ársendi tabystaǵan bolar degen baılamǵa kelgen, dep habarlaıdy KAZAKH TV.
Al jol apatynyń saldarynan mert bolǵan Mádına Eralıevanyń denesine saraptama jasaǵan dáriger Maǵaýııa Bókeshov 18 jyldan keıin ishte saqtap kelgen qupııasynyń shetin ashty.
«Jumys barysynda mamandyǵym patologanatom bolǵandyqtan, jansyz Mádınanyń máıitine medıınalyq saraptama jasadym da, qortyndysyn jazǵan edim»,- deıdi Baıqońyr sot-saraptama ortalyǵynyń jetekshisi Maǵaýııa Bókeshov.
Maǵaýııa Bókeshovtiń sózinshe, kúndelikti qaıtys bolǵan qanshama adamǵa saraptama jasap júrse de, ánshiniń máıitin tekserý barysynda tańǵalǵan.
«Saraptama kezinde Mádınanyń qos ókpesi ózge aǵzalardan kishkentaı ǵana ekenin kórip tańǵaldym. Ár adamnyń anatomııasy ártúrli bolatyny belgili ǵoı. Meniń dáriger retinde aıtarym, ádette ánshilerdiń ókpesiniń shaǵyn nemese úlken bolýy án aıtqanyna baılanysty bolmaıdy. Bul aýyz qýysyndaǵy dybys shyǵarý joldaryna qatysty. Saraptama qortyndysyna «kólik jaraqaty» dep qorytyndy jazdym. Bul jaıt maǵan da ońaı tımedi. Mádınany kim tanymaıdy deısiń?! Týystary máıitin alyp bara jatqanda ishteı «ımandy bolsyn» dep, kóz jasymdy syǵyp qala berdim», – deıdi dáriger Maǵaýııa Bókeshov, dep jazdy "Qazaq úni" gazeti.
