Almatyda Qazaqstandaǵy Qytaı elshiliginiń qoldaýymen «Úmit» atty Qazaqstandaǵy qytaı azamattaryna arnalǵan mektep ashyldy. 2 qyrkúıekte mekteptiń ashylý saltanatyna qatysqan Qytaı bas konsýly Go ın ıaý sóz sóılegen. Bul týraly Qytaı bas konsýldyǵynyń elektrondy gazeti habarlaıdy dep jazady arasha.kz.
«Qytaı san myńjyldyq mádenıetke ıe el. Onyń tarıhy tym tereńde jatyr. Bul qytaı urpaqtaryn biriktiretin kúsh. Qytaı mádenıeti óz dástúriniń urpaq sabaqtastyǵynyń arqasynda álem mádenıetiniń ishindegi ómirsheńdikke ıe. Qytaı azamattary qaı jerde júrse de dástúrin, mádenıetin úırenip, óz júrekterindegi otanshyldyq rýhyn joǵaltpaýy tıis. Sol arqyly tamyryn tereńge jaıý kerek. Bul mekteptiń jumysy Qazaqstandaǵy jáne ózge shetelderdegi qytaı kásiporyndarynyń, qytaı mekemeleriniń sondaı-aq qytaı kásipkerleriniń qoldaýymen bir jyldan beri jumys istep keledi. Sol arqyly qoǵamdyq yqpaly da keńeıdi. Mektepte oqyǵan balalar qytaı mádenıetin boıyna sińirip, óz otandaryna súıispenshiligin tereńdetip, «Qytaı armanyn» júzege asyrýǵa kúsh salady. Jáne de olar Qazaqstan men Qytaı arasyndaǵy dostyqqa altyn kópir bolyp, «Bir beldeý – bir jol» ekonomıkalyq jobasynyń negizgi atqarýshylaryna aınalady. Mekteptiń túlekteri arqyly jergilikti jastar Qytaıdy túsine alar dep úmittenemin», – depti Qytaı bas konsýly Go ın ıaý.
Almatydaǵy mekteptiń ashylý saltanatynda mektep oqýshylary Qytaı mádenıetinen, qytaı ánderinen, qytaı bıinen konerttik baǵdarlama qoıǵan. Sharaǵa Qazaqstandaǵy Qytaı banki, qytaı ónerkásip banki, qytaı munaı-gaz kompanııalarynan jáne basqa qytaılyq mekemelerden alpystan astam adam qatysqan, dep jazady "Qazaq úni" gazeti arasha.kz. -ǵa silteme jasaı otyryp.
