Jambyl oblysynyń ákimi Nurjan Nurjigitov «Saıası reforma jaǵdaıynda Qazaqstan Halqy Assambleıasynyń jumysyn jetildirýdiń negizgi baǵyttary» taqyrybynda ótken Jambyl oblystyq Qazaqstan halqy Assambleıasynyń XXV sessııasynyń plenarlyq otyrysyna qatysty.
Aımaq basshysy óz sózinde sessııanyń mindeti – QHA-ny odan ári damytý baǵyttaryn belgileý ekenin atap ótti.
- Elimiz úshin turaqtylyq pen etnosaralyq kelisimdi qamtamasyz etý – memlekettik saıasattyń mańyzdy basymdyqtarynyń biri. Memleket Basshysy Qasym-Jomart Toqaev jańa naqty jaǵdaıda Qazaqstan halqy Assambleıasynyń beıbitshilik pen kelisim saıasatymyzdyń berik ınstıtýıonaldyq tiregi bolyp qala beretinin atap ótti. El Prezıdenti QHA qyzmetiniń úsh negizgi basymdyǵyn aıqyndap bergen bolatyn. Olar: Assambleıanyń saıası reformalardy iske asyrýdaǵy rólin arttyrý, qoǵamdyq áleýetin jandandyrý, quqyq qorǵaý qyzmetin kúsheıtý jáne aqparattyq jumysty kúsheıtý. Bizdiń oblysta da osy baǵyttar boıynsha keshendi jumystar júrgiziletin bolady, - dedi Nurjan Nurjigitov.
Aımaq basshysy shaǵyn jáne orta bıznestegi, bilim berý, densaýlyq saqtaý, mádenıet, sport salalaryn damytýǵa úles qosyp júrgen jambyldyqtardyń, túrli etnos ókilderiniń jetistikterin júıeli negizde keńinen jarııalaý qajet dep esepteıdi. Óńirlik QHA múshelerin ınternet-keńistiktegi jumystardy jandandyrýǵa, halyq arasynda aqparattyq-túsindirý jumystaryn júrgizýge shaqyrdy.
Sondaı-aq, oblys ákimi azamattardy qabyldaý, olarǵa quqyqtyq kómek kórsetý, «Batyrlar bizdiń aramyzda» jobasyn iske asyrý, etnostar kúnderin ótkizý, medıaııa ınstıtýtyn damytý jáne dáripteý boıynsha mindetter júktedi. Aıta ketý kerek, bıyl oblysta QR Aqparat jáne qoǵamdyq damý mınıstrligimen birlesip medıatorlardy daıyndaý boıynsha pılottyq joba júzege asyryldy.
– Birlik, turaqtylyq – Jańa Qazaqstandy qurýdaǵy tabysqa jetýdiń mańyzdy sharttary. Biz buǵan birlesip qana qol jetkizemiz. Jalpyulttyq referendýmda Konstıtýııalyq túzetýler men tolyqtyrýlardy halyqtyń basym bóligi qoldap, daýys berdi. Endi barshamyz kúsh biriktire otyryp, osy qabyldanǵan ózgeristerdi júzege asyrýǵa tıispiz, – dep túıindedi Nurjan Nurjigitov.
Sessııa barysynda aımaq basshysy beıbitshilik pen kelisimdi nyǵaıtýǵa eleýli úles qosyp júrgen birqatar etnomádenı birlestikterdiń ókilderin marapattady. Qazaqstan Respýblıkasy QHA múshesi, «Ahyska» túrik etnomádenı birlestigi tóraǵasynyń orynbasary, oblystyq máslıhat depýtaty, meenat Jalıl Abbosov óńirlik QHA tóraǵasynyń Qoǵamdyq orynbasary bolyp saılandy. Qatysýshylar sekııalyq talqylaýlar kezinde ázirlengen QHA qyzmetin jetildirý jónindegi usynystardy biraýyzdan maquldady.
Búginde oblysta 75 etno-mádenı birlestik,172 oblystyq QHA janyndaǵy Qoǵamdyq kelisim keńesi bar.
Jyl basynan beri etnosaralyq qatynasty nyǵaıtý maqsatynda 800-den astam is-shara uıymdastyrylǵan.
