Belgili advokat Abzal Quspan kásipker Bolat Ábilovty sotqa berdi, dep habarlaıdy "Adyrna" tilshisi Azattyq radıosyna silteme jasap.
"Men kúni boıy sot proesinde júrmin. Sot onlaın rejımde "Ákimshilik quqyq buzýshylyq týraly" Kodekstiń 73-3 babynyń 2-bóligi boıynsha Bolat Muqyshuly Ábilovke qatysty ákimshilik materıaldy" qaraıdy. Aryz berýshi Abzal Quspan, men 14 shildede "Maıdan" YouTube kanalyna bergen suhbatymda ony "qyzyl advokat" jáne "bılik adamy" dep aıtqan edim. Bul 2022 jylǵy «Qańtar tragedııasyn» tergeý aıasynda aıtylǵan edi", - dep jazdy Bolat Ábilov óziniń feısbýk paraqshasynda.
Aryz berýshi Abzal Quspan da bul aqparatty rastady.
"Iá, meniń aryzym boıynsha sot proesi júrip jatqanyn rastaımyn. Keıbir adamdar tili men jaǵyna súıengendi unatady, biraq óz sózderi úshin jaýap bergisi kelmeıdi. Aıttym ǵoı, jaqyn arada oıbaıshyl bir saıasatker oıbaılap bastaıdy dep, oıbaılamaq túgili mamalasa da, endi zań quryǵynan qutyla qoımas. Aıtpaqshy, ol men týraly tek "bıliktiń adamy" men "qyzyl advokat" dep qana aıtqan joq, sot talqylaýynan keıin bárin habarlaımyn. Biz sottasyp jatyrmyz, ázirshe onyń Nazarbaev júıesimen kúresken jalǵyz "qaharman" retinde kórsetetin vıdeosyn kórińizder", - dep jazdy Abzal Quspan.
"Adyrna" ulttyq portaly
